Nida.az
Sona Vəliyeva: “Telekanallar bu məsələyə peşəkar münasibət bildirməlidir”
“Mayın 19-da paytaxtdakı yanan binada baş vermiş xoşagəlməz hadisə ilə əlaqədar Azərbaycanın bütün televiziya kanalları vətəndaş mövqeyindən çıxış etməlidir”.
Bu sözləri Publika.az-a açıqlamasında Milli Televiziya və Radio Şurasının (MTRŞ) üzvü, “Kaspi” qəzetinin təsisçisi Sona Vəliyeva bildirib.
S.Vəliyeva bütün məsələlərdə vətəndaş mövqeyindən çıxış etməyin vacibliyini vurğulayıb.
Baş vermiş hadisədən dərhal sonra ölkə başçısının məsələyə münasibət bildirdiyini və baş vermiş hadisənin istintaqını öz nəzarətinə götürdüyünü xatırladan S.Vəliyeva qeyd edib ki, Azərbaycan Prezidentinin bu cür addım atmasını hər kəs böyük rəğbətlə qarşılayıb: “Dövlət başçımız bu hadisə ilə bağlı böyük vətəndaşlıq və həmrəylik nümayiş etdirdi, ürək yanğısı ilə bəyan etdi ki, bütün beynəlxalq yarışlar bu faciənin yanında heç nədir. Yəni, ən böyük beynəlxalq tədbirlər mənim vətəndaşımın yaşadığı bu faciə yanında heçə bərabərdir”.
S.Vəliyeva deyib ki, mayın 19-da Azərbaycan xalqı böyük faciə ilə üzləşib: “Əgər bu hadisə zamanı 1 nəfər vəfat etsəydi belə, əlbəttə ki, bu heç kəsə xoş gələ bilməzdi. Çünki bu, bizim soydaşımızın faciəsidir. Hər bir Azərbaycan vətəndaşı, o cümlədən televiziya aparıcısı bu hadisəyə öz ailəsinin faciəsi kimi yanaşmalıdır. Ötən gün telekanallarda göstərilən bir süjet məni çox təsirləndirdi. Yəni, millətimiz lazım olanda həmrəy olmağı nümayiş etdirir. Yanan binanın qarşısına gül qoymaq üçün gələn insan izdihamı millətimizin bu faciəni ürəkdən yaşadığını göstərdi. Düşünürəm ki, bütün televiziya kanalları bu məsələyə çox peşəkar və vətəndaşlıq mövqeyindən yanaşaraq ağıllı münasibət bildirməlidir. Çünki bu hadisə bizim yaşadığımız faciədir, bunu heç kəs arzu etməyib. Bu faciə baş verib, ancaq bu hadisəyə münasibət düzgün bildirilməlidir.
Əlbəttə ki, bu faciəyə laqeyd münasibət hər birimizi narahat edir. Əgər hər hansı adam bu faciəni yaşasaydı və digər insanlar da ona qarşı laqeydlik göstərsəydi, bu, onun xoşuna gələrdimi? Bu mənada da biz faciədə və xoş günlərdə də həmrəy olmağı bacarmalıyıq. İnanıram ki, baş vermiş bu hadisə ilə bağlı hər bir insan özünün məsuliyyətini ortaya qoyacaq, insanlıq yüksək zirvədə dayanacaq və haqq-ədalət öz yerini tapacaq. Mən bu faciə zamanı dünyasını dəyişənlərə Allahdan rəhmət, sağ qalanlara isə şəfa və başsağlığı vermək istəyirəm. Eyni zamanda bu faciəni öz faciəsi kimi yaşayanlara başsağlığı diləyirəm”.
Vasif Həsənli
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR