Deputat: “Bir lezbiyanın Azərbaycanla bağlı qətnaməsini dəstəkləməyi doğru hesab etmirəm”

Böyük Quruluş Partiyasının sədri, Milli Məclisin deputatı Fazil Mustafa Avropa İttifaqında Azərbaycanla bağlı keçirilən dinləmələrə münasibət bildirib.

Publika.az-ın məlumatına görə, deputat F.Mustafa sosial şəbəkədə bununla bağlı status paylaşıb: “Dostlardan Milli Məclisdə təmsil olunan partiyaların Avropa İttifaqındakı Azərbaycanla bağlı dinləmələrinə qarşı bəyanatı imzalamağımla bağlı suallar gəlir. Bu bəyanatı imzalamışam, layihə formasında hazırlanmış bəyanatdır, bir sıra düzəlişlər də etmişəm. Bir daha imzalayaram, çünki Avropa İttifaqının həyasızcasına yalançı erməni soyqırımı tanımaqla bağlı qətnaməsindən sonra hansısa azərbaycanlının bu qurumun guya insan haqlarının müdafiəçisi kimi çıxış etməsinə özünü inandırması gülünc görünür. Bir rəsmi lezbiyanın Azərbaycanın qayğısına qalmasını göstərmək üçün təqdim etdiyi qətnamə layihəsini hansısa formada dəstəkləməyi doğru hesab etmirəm. Ölkədə kifayət qədər problemlər və nöqsanlar var və bunları vaxtaşırı dilə gətiririk. Bunların idman tədbiri ilə əlaqələndirilməsi tamamilə məntiqsizdir. Buyurub, Avropa İttifaqı Ermənistanı işğalçı dövlət kimi tanıyan və ona sanksiyalar tətbiq etmənin vacibliyini bəyan edən qətnamə qəbul etsin, onun bundan sonrakı bütün qərarlarının altından imza atmağa hazıram”.

Vasif Həsənli