Nida Təhlil
Sarkisyanın bağ evində rus məmuru ilə MƏXFİ GÖRÜŞÜ: Kremlin Qarabağ OYUNU
Dünən Moskva restoranlarından birində Rusiya Erməniləri
İttifaqının prezidenti Ara Abramyanın 60 illik yubileyi
keçirildi.
Publika.az xəbər verir ki, Abramyanın ad gününə Ermənistan
prezidenti Serj Sarkisyan da gedib.
Sarkisyanla yanaşı, mərasimdə Kremlin mətbuat katibi Dmitri Peskov,
xarici işlər naziri Sergey Lavrov və Rusiya Liberal-Demokrat
Partiyasının sədri Vladimir Jirinoviski də iştirak edib.
Serj Sarkisyanın ad günü mərasimində iştirakı maraqlıdır. Belə ki,
A.Abramyanı 2016-ci ildə məhz Sarkisyanın özü ölkədən “yola
salmışdı”. 2015-ci ildə Abramyan yeni partiya təsis edərək,
parlament seçkilərində iştirak etmək niyyətini açıqladı. Lakin qeyd
etdi ki, son qərarını 2016-cı ilin mart ayında verəcək. “Aprel
müharibə”si isə hər şeyi qarışdırdı. Çünki Rusiya-Ermənistan
münasibətləri pozuldu, bu isə “Putin həmişə haqlıdır” şüarı ilə
daxil olmaq istədiyi erməni siyasətinin qapılarını Abramyanın üzünə
bağladı.
“Lragir” saytı yazır ki, müharibədə məğlubiyyətdən sonra Abramyanın
şüarını irəli sürmək ciddi əks-effektə səbəb ola bilərdi. Bununla
da ittifaq sədrinin erməni siyasətinə ezam olunması prosesi təxirə
düşdü.
Sayt əlavə edir ki, Rusiya Ara Abramyanla erməni siyasətinə daxil
olmaq və Sarkisyanı yola salmaq niyyətində idi.
“Abramyanın "aprel müharibəsi"ndən sonra siyasətə rusların şüarı
ilə daxil olması 2013-cü ilin 3 sentyabr tarixində “milli razılıq”
gecəsindən sonra ikinci böyük hadisə olardı. Hansı ki, o gecə
hakimiyyətin götürülməsi ilə bağlı razılıq əldə olunmuşdu.
Məlumatlar var ki, həmin gecədən iki gün əvvəl Serj Sarkisyan Ara
Abramyanın Xorvatiyadakı bağ evində bir rus məmuru ilə görüşüb.
Rusiya Sarkisyanı aldadaraq onu devirmək istəyirmiş. Burada belə
sual ortaya çıxır ki, Sarkisyanın getməsi rus əsgərlərinin Qarabağa
yerləşdirilməsi ilə nəticələnəcəkdimi?! Yaxud Rusiyanın Qarabağ
planı bu proseslərin hansı hissəsində idi? “Aprel müharibəsi”ndən
sonra Rusiyanın Sarkisyanı göndərmək istəyi ortaya çıxdı. Bu, həm
də rus əsgərlərinin Qarabağa gəlişi üçün imkanlar yararatmaq
planından irəli gəlir. Görünür, rusların Qarabağa əsgər
yerləşdirmək planı hələ 2013-cü ildən işə salınıb. Bunlar fərziyə
olsa da, Ara Abramyan 2015-ci ildə siyasi səhnəyə atılmaqla bağlı
qərarını 2016-cı ilin mart ayında açıqlayacağı haqda dedikləri də
diqqətdən yayınmırdı. Niyə mart? Mart ayında nə baş verəcəkdi?
Bütün bunlar müəmmalı məsələlərdir. Lakin Abramyanın Moskvadakı ad
günündə Peskov, Lavrov və Jirinoviskinin iştirakı Kremlin
Sarkisyana qarşı planının hələ də gündəmdə olduğu ehtimalını
yaradır. Peskov ad günü mərasimində Abramyana yenidən rus dilini
öyrənməyi tövsiyə etdi. Görünür, rus dilini yaxşı bilmək, onun
Kremllə də daha yaxşı işləməsinə şərait yarada bilər. Göründüyü
kimi, Moskva Abramyanı yenidən Sarkisyanın qarşısına çıxarmağa
çalışır, lakin bu dəfə yeni şüarla”, - deyə sayt yazıb.
Serj Sarkisyanın isə Moskvadakı ad gününə məhz ona qarşı planları
öyrənmək üçün getdiyi deyilir.
Asif
-
Nida Xəbər 10:48
İlham Əliyev Almaniyada mühüm tədbirdə iştirak edəcək
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?