Qırmızı.az
Prezident İlham Əliyev Ağdaş rayonunda səfərdədir (YENİLƏNİB)
16:51
AzərTAc xəbər verir ki, Azərbaycan
Respublikasının Prezidenti İlham
Əliyev mayın 1-də
Ağdaş rayonuna səfəri çərçivəsində Gilan yem emalı zavodunun
açılışında iştirak etmişdir.
Ulu öndər Heydər Əliyev tərəfindən əsası qoyulan
sosial-iqtisadi islahatlar strategiyasını Prezident İlham Əliyevin
uğurla davam etdirməsi nəticəsində ölkəmiz dinamik inkişaf edir.
İqtisadiyyatın neft sektoru ilə bərabər, qeyri-neft sahələrinin də
davamlı inkişafına nail olunmuşdur. Təsadüfi deyildir ki, bu gün
Azərbaycanda ümumi daxili məhsulunun böyük hissəsini qeyri-neft
sektoru təmin edir. Bu, ölkədə aparılan iqtisadi şaxələndirmə
siyasətinin nəticəsidir.
Qeyri-neft sektorunun inkişafında heç şübhəsiz ki,
son illərdə Azərbaycanda həyata keçirilən aqrar islahatlar mühüm
rol oynayır. Bu da Prezident İlham Əliyevin kənd təsərrüfatının
inkişafı, ölkədə ərzaq təhlükəsizliyinin təmin olunmasına verdiyi
önəmi bir daha təsdiqləyir. Dövlətimizin başçısı ölkədə kənd
təsərrüfatında artım tempinin təmin olunmasını və bu istiqamətdə
səmərəli tədbirlərin həyata keçirilməsini hər zaman diqqət
mərkəzində saxlamışdır. Bu ilin əvvəlində dövlətimizin başçısının
imzaladığı “Kənd təsərrüfatı və ərzaq məhsulları bazarının
fəaliyyətinin təkmilləşdirilməsi sahəsində əlavə tədbirlər
haqqında” Sərəncam da bu sahədə mühüm rol oynayır. Bu sənəd
“2008-2015-ci illərdə Azərbaycan Respublikasında əhalinin ərzaq
məhsulları ilə etibarlı təminatına dair Dövlət Proqramı”nın icrası
sahəsində əlavə tədbirlərin görülməsini, kənd təsərrüfatı
məhsulları ixracının artırılmasını, aqrar sahədə istehsalçıların və
istehlakçıların maraqlarının qorunmasını, ərzaq bazarının səmərəli
fəaliyyətini ehtiva edir. Bu, həm də ölkədə aqrar siyasətin əsas
prinsiplərini, kənd təsərrüfatının inkişafında strateji hədəfləri
və prioritet istiqamətləri özündə əks etdirən “Azərbaycan
aqrar-sənaye kompleksinin inkişafı strategiyası”nın müəyyən
olunması baxımından mühüm Sərəncamdır.
Hazırda yüksək məhsuldarlığın təmin edilməsi,
yerli məhsulların rəqabət qabiliyyətinin artırılması, kənd
təsərrüfatının gəlirli sahələrinin inkişaf etdirilməsi, fermerlərə
dövlət dəstəyinin daha səmərəli təşkili və ərzaq təhlükəsizliyinə
nail olunması aqrar sahədə dövlət siyasətinin mühüm istiqamətlərini
təşkil edir. Bu çərçivədə heyvandarlıq kompleksinin inkişaf
etdirilməsi, zəruri infrastrukturun və bazanın təmin olunması, o
cümlədən sahibkarlıq subyektlərinin fəaliyyətinin
stimullaşdırılması, yeni müəssisələrin fəaliyyətə başlaması
diqqətdə saxlanılır. Bu baxımdan Ağdaşda Gilan yem emalı zavodunun
inşası da mühüm əhəmiyyəti ilə seçilir. Regionda iri layihələrdən
olan bu müəssisə Ağdaş rayonunun Binələr kəndi ərazisində 8 hektar
ərazidə tikilmişdir. Zavod quşçuluq və maldarlıq təsərrüfatları
üçün yem istehsalı və digər köməkçi sahələrdən
ibarətdir.
Prezident İlham Əliyev müəssisədə yaradılan
şəraitlə tanış oldu.
Məlumat verildi ki, zavod özündə 2 fabriki
birləşdirir.
Dövlətimizin başçısı müəssisəni işə
saldı.
Bildirildi ki, quşçuluq və maldarlıq
təsərrüfatları üçün yem istehsalı sahəsi tanınmış xarici
şirkətlərin texnologiyası və avadanlığı əsasında
qurulmuşdur.
Azərbaycan Prezidenti istehsal prosesini izlədi,
müəssisənin hazır məhsullarına baxdı.
Məlumat verildi ki, birinci fabrikin istehsal gücü
saatda 15 ton preslənmiş yem və 20 ton açıq yemdir. İkinci fabrikdə
isə saatda 45 ton preslənmiş yem, açıq halda da 55 ton məhsul
istehsal etmək mümkündür. Birnövbəli iş rejimində zavodda,
ümumilikdə, 210 min ton yem istehsal olunacaqdır.
Qeyd edildi ki, MDB məkanında və Avropa
ölkələrinin əksəriyyətində bu gücə malik belə zavod fəaliyyət
göstərmir. Burada xammal kimi əsasən yerli məhsullardan istifadə
olunur. Bunun üçün isə Samux, Beyləqan, Biləsuvar və Qəbələdə
taxıl, arpa, qarğıdalı və günəbaxan sahələri yaradılmışdır. Zavodun
əhəmiyyətini artıran mühüm amillərdən biri də ondan ibarətdir ki,
respublika üzrə un istehsal edən fabriklərdən qida üçün yaramayan
xammal alınaraq burada toyuq və mal yemi kimi hazırlanacaqdır.
Layihənin icrası nəticəsində 105 yeni iş yeri
yaradılmışdır.
Bütün bunlar, son illərdə Azərbaycan
iqtisadiyyatının sürətli inkişafı sayəsində mümkün olmuşdur. Ölkədə
aqrar sahənin, xüsusilə də heyvandarlığın inkişafına göstərilən
diqqət artıq yem bazalarının yaradılmasını da gündəmə gətirmişdir
və bu istiqamətdə mühüm addımlar atılır. Heyvandarlığın yem
bazasının möhkəmləndirilməsi üçün yem bitkilərinin əkin sahələri və
onun məhsuldarlığı nəzərə alınaraq dövlət büdcəsindən müvafiq
vəsait ayrılır, sahibkarlıq subyektlərinin dövlətin güzəştli
kreditləri ilə təmin olunması həyata keçirilir.
Prezident İlham Əliyev görülən işlərdən razılığını
bildirdi, tövsiyə və tapşırıqlarını verdi.
---------
15:59
Milli.Az AzərTAc-a istinadən
xəbər verir ki, Azərbaycan Respublikasının Prezidenti
İlham Əliyev mayın 1-də Ağdaş rayonuna
səfəri çərçivəsində Ləki dəmir yolu vağzalının yeni binasının
açılışında iştirak etmişdir.
Son illərdə ölkənin nəqliyyat sisteminin, o
cümlədən dəmir yolunun təkmilləşdirilməsi, sərnişin daşımalarının
beynəlxalq səviyyədə qurulması istiqamətində mühüm layihələr icra
olunur. Bu siyasətin tərkib hissəsi olaraq nəinki paytaxt Bakıda,
eyni zamanda, regionlarda müasir standartlara cavab verən dəmir
yolu vağzallarının tikintisinə və əsaslı təmirinə
başlanılmışdır.
Yeni inşa olunan vağzallardan biri də “Azərbaycan
Dəmir Yolları” QSC-nin Ləki stansiyasındakı binadır. Ləki dəmir
yolu vağzalının binası müasir memarlıq üslubunda inşa olunmuşdur.
Ərazidə yaşıllıq zolağı salınmışdır. Yeni binada sərnişinlərin
istirahəti üçün hər cür şərait yaradılmışdır.
Dövlətimizin başçısı vağzal binasının əvvəlki
görüntülərini əks etdirən fotostendə baxdı. Burada Azərbaycan
Prezidentinə Ağdaş-Qəbələ avtomobil yolunun yenidən qurulması
layihəsinin sxemi təqdim edildi.
Prezident İlham Əliyevə məlumat verən nəqliyyat
naziri Ziya Məmmədovbildirdi ki, “Azərbaycan Dəmir Yolları” QSC-nin balansında
olan Ləki dəmiryol vağzalının əvvəlki binası 1897-ci ildə inşa
olunmuşdu. Uzun müddət əsaslı təmir işləri aparılmadığından vağzal
binasının sökülərək yenisinin inşası zərurəti yaranmışdı. Yeni
vağzal binasının tikintisinə 2013-cü ilin yanvarında
başlanılmışdır. “Azərbaycan Dəmir Yolları” QSC-nin Dəmir Yollarının
və Texniki Qurğularının Təmir-Tikinti Departamenti tərəfindən inşa
olunan vağzal binasında müasir standartlara uyğun xidmət
göstərilməsi üçün hər cür şərait vardır. Gözləmə salonunda
sərnişinlər üçün bütün rahatlıq yaradılmışdır. Burada ümummilli
lider Heydər Əliyevin büstü qoyulmuş, Ulu Öndərin və Prezident
İlham Əliyevin Ağdaşa səfərlərini əks etdirən fotoguşə
quraşdırılmışdır.
Stansiyada ana və uşaq otağı fəaliyyət
göstərəcəkdir. Dispetçer otağında da yüksək səviyyədə xidmət üçün
müvafiq şərait yaradılmışdır.
Dəmir yolunun Ləki stansiyasının vağzal binası
sərnişinlərə xidmətin səviyyəsinin ən müasir standartlara uyğun
həyata keçirilməsinin daha bir konkret nümunəsidir. Binanın
mühəndis-kommunikasiya sistemləri də müasir standartlara cavab
verir. Burada sərnişinlər informasiya monitorundan yararlana
biləcəklər.
Bildirilmişdir ki, stansiyada yeni platforma
tikilmişdir. Ləki stansiyası xarakterinə görə yük stansiyasıdır.
Burada qatarların qəbul edilib yola salınması üçün dörd yol,
yükləmə-boşaltma əməliyyatları üçün altı yol, dartı
yarımstansiyasının yolu, qoruyucu dalan, dartı yolu və eyni
zamanda, stansiyaya birləşən təşkilatlara məxsus 2 dalan yolu
vardır. İl ərzində Ləki dəmir yolu stansiyasında orta hesabla 150
vaqon - 19 min 600 ton yükləmə, 2500 vaqon - 150 min ton boşaltma
işləri həyata keçirilir. Stansiyanın vağzal binasında isə 7 mindən
çox sərnişinə xidmət göstərilir. Stansiyadan orta hesabla gün
ərzində 40 qatar yola salınır.
Dövlətimizin başçısının diqqətinə çatdırıldı ki,
stansiyanın yeni vağzal binası dəmir yolu nəqliyyatı
infrastrukturunun inkişafına mühüm töhfədir və əhalinin paytaxt
Bakı və digər regionlarla rahat əlaqəsinin təmin olunması
baxımından vacib əhəmiyyət kəsb edir.
---------
14:34
AzərTAc
xəbər verir ki, Ağdaşda yeni tikilmiş meyvə emalı
zavodu mayın 1-də istifadəyə verilmişdir.
Azərbaycan Respublikasının Prezidenti
İlham Əliyev açılışda
iştirak etmişdir.
İqtisadiyyatın şaxələndirilməsi, qeyri-neft
sektorunun dinamik inkişafının təmin edilməsi,
rəqabətqabiliyyətliliyin artırılması və bu sahəyə investisiya
qoyuluşunun sürətləndirilməsi Prezident İlham Əliyevin
sosial-iqtisadi inkişaf siyasətinin prioritet istiqamətlərindəndir.
Bu siyasətə uyğun olaraq, ölkəmizdə qeyri-neft sektorunun müxtəlif
sahələrinin inkişafına xüsusi diqqət yetirilir.
Təsadüfi deyil ki, son 10 ildə Azərbaycan
iqtisadiyyatının bütün sahələrində olduğu kimi, sənayenin
inkişafında da böyük uğurlar qazanılmış, sənaye məhsullarının
istehsalı 2,7 dəfə artmışdır. Diqqət çəkən ən vacib amillərdən biri
də bu dövrdə ölkə sənayesinə 40 milyard manatdan çox investisiyanın
yatırılmasıdır. Hazırkı mərhələdə isə müasir çağırışlar və yeni
təşəbbüslər nəzərə alınmaqla sənayenin modernləşdirilməsi və
qeyri-neft sənayesinin şaxələndirilməsi məqsədilə bir sıra mühüm
tədbirlər həyata keçirilir. Bundan əlavə, mövcud təbii və iqtisadi
ehtiyatların təsərrüfat dövriyyəsinə cəlb edilməsi, ənənəvi sənaye
sahələri ilə yanaşı, yeni istehsal və emal sahələrinin, sənaye
parklarının yaradılması, regionlarda sənaye potensialının
gücləndirilməsi, sənayenin innovasiyalar əsasında inkişafını təmin
edəcək imkanların formalaşdırılması da diqqət mərkəzində
saxlanılır.
Qeyri-neft sektorunun inkişafını sahibkarlığa
geniş imkanlar yaradılmasında görən dövlətimizin başçısı özəl
sektora xüsusi qayğı ilə yanaşır. Sahibkarlara öz imkanlarından və
regionların potensialından istifadənin təkmilləşdirilməsi üçün
sərəncamlar imzalayır, tapşırıqlar verir. Onların maliyyə
təminatının yaxşılaşdırılması qayğısına qalır. Təsadüfi deyil ki,
İqtisadiyyat və Sənaye Nazirliyinin Sahibkarlığa Kömək Milli Fondu
tərəfindən indiyədək ölkə üzrə 20 minədək sahibkarın investisiya
layihələrinin maliyyələşdirilməsinə 1 milyard 200 milyon manat
güzəştli kredit verilmişdir. Bu layihələr hesabına 116 mindən çox
yeni iş yeri yaradılmışdır.
Dövlətimizin başçısının tapşırıqlarına uyğun
olaraq ayrılan vəsaitlər sənayenin prioritet istiqamətləri üzrə
müəssisələrin yaradılmasını və inkişaf etdirilməsini nəzərdə tutan
layihələrin maliyyələşdirilməsinə yönəldilir. İndi həmin layihələr
təkcə böyük şəhərləri deyil, regionları da əhatə edir. Məqsəd
bölgələrdəki resurslardan səmərəli istifadə yolu ilə bazarı
rəqabətqabiliyyətli məhsullarla daha dolğun və əhalinin
məşğulluğunu təmin etməkdir. Ağdaşda yeni tikilmiş Meyvə Emalı
Zavodu da bu baxımdan mühüm əhəmiyyət kəsb
edəcəkdir.
Dövlətimizin başçısı ulu öndər Heydər Əliyevin və
prezident İlham Əliyevin Ağdaş rayonuna səfərləri zamanı əhali ilə
keçirdikləri görüşə və müxtəlif obyektlərin açılışlarında
iştiraklarına həsr olunmuş fotostendə baxdı.
Sonra Prezident İlham Əliyev zavodu işə
saldı.
Məlumat verildi ki, ümumi dəyəri 4.2 milyon manat
olan müəssisənin tikintisində İqtisadiyyat və Sənaye Nazirliyinin
Sahibkarlığa Kömək Milli Fondu tərəfindən ayrılan 1.9 milyon manat
güzəştli dövlət kreditindən istifadə olunmuşdur. Ümumi sahəsi 2 min
kvadratmetr olan zavod quru meyvə, bəhməz istehsalı və köməkçi
sahələrdən ibarətdir. Zavodun quru meyvə istehsalı sahəsi dünyanın
məşhur şirkətlərinin texnologiyası və avadanlığı əsasında
qurulmuşdur. Burada xammalın qəbulu, yuma maşını, su süzgəci,
beşmərtəbəli bişirmə sobası və qablaşdırma avadanlığı
quraşdırılmışdır. Qurutma prosesi meyvələrin xüsusiyyətindən asılı
olaraq bir neçə mərhələ üzrə həyata keçirilir. Tələbata uyğun
olaraq əsasən xurma, üzüm, gavalı, ərik və almadan meyvə quruları
istehsal olunur. Bu məqsədlə mövsüm ərzində 1.2 min tonadək
müxtəlif meyvələrin tədarükü və emalı nəzərdə tutulur. Zavodda
meyvə quruları sənaye üsulu ilə istehsal olunduğu üçün həm dadına,
həm yaxşı əmtəə görünüşünə, həm də yüksək səviyyədə
qablaşdırılmasına görə fərqlənir. Hazır məhsullar daxili bazara
yönəldilməklə yanaşı, xarici ölkələrə də ixrac
olunacaqdır.
Bəhməz istehsalı sahəsi Türkiyənin STK şirkətinin
bişirmə sobaları, soyutma, süzmə və qablaşdırma avadanlığı əsasında
qurulmuşdur. Müxtəlif xəstəliklərin müalicəsi üçün təbabətdə geniş
istifadə olunan bu məhsulun Azərbaycanda ilk dəfə sənaye üsulu ilə
istehsalı məhz bu zavodda həyata keçiriləcəkdir. Tələbata uyğun
olaraq əsasən tut, xurma, üzüm və zoğal kimi meyvələrdən il ərzində
20 ton bəhməz istehsal olunması planlaşdırılır.
Zavodun bu istehsal sahəsində, eyni zamanda,
qatılaşdırılmış süd hazırlanacaq ki, bundan un məmulatı və dondurma
istehsal edən müəssisələrdə xammal kimi geniş istifadə
olunacaqdır.
Burada Prezident İlham Əliyevə İqtisadiyyat və
Sənaye Nazirliyinin Sahibkarlığa Kömək Milli Fondunun icraçı
direktoru Şirzad Abdullayev
Aran iqtisadi rayonu üzrə sahibkarlara verilən
güzəştli kreditlər və onların xərclənmə təyinatları barədə məlumat
verdi. Bildirildi ki, indiyədək 7612 sahibkara 326.3 milyon manat
dövlətin güzəştli krediti verilmişdir. Bu kreditlər hesabına 29
mindən çox yeni iş yeri yaradılmışdır. O cümlədən müasir
texnologiyalara əsaslanan, ümumi dəyəri 418.1 milyon manat olan 77
investisiya layihəsinin – 10 logistik mərkəz, 9 taxıl anbarı və 8
heyvandarlıq kompleksi, 12 quşçuluq təsərrüfatı, 4 süd, 2 ət və 4
meyvə-tərəvəz emalı zavodu, 5 çörək zavodu, 4 istixana kompleksi, 3
intensiv bağçılıq, 3 üzümçülük və 2 iri taxılçılıq təsərrüfatı, 2
quru meyvə, 1 qənd, 4 tikinti materialları və 4 digər istehsal və
emal müəssisəsinin maliyyələşdirilməsinə 195.2 milyon manat
güzəştli kredit verilmişdir. Həmin iqtisadi zonaya daxil olan Ağdaş
rayonunda indiyədək 233 sahibkar 12.4 milyon manat dövlətin
güzəştli kreditindən bəhrələnmişdir. Bu kreditlər hesabına mindən
çox yeni iş yeri yaradılmışdır.
Hazır məhsullarla tanışlıq zamanı dövlətimizin
başçısına məlumat verildi ki, zavodun xammala olan tələbatı həm
rayonun daxili istehsalı, həm də ətraf rayonlardan tədarük hesabına
ödəniləcəkdir. Bu da öz növbəsində kiçik ailə təsərrüfatlarının
inkişafına müsbət təsir göstərəcək və gələcəkdə zavodun emal
imkanlarını daha da artıracaqdır.
Prezident İlham Əliyevin diqqətinə çatdırıldı ki,
zavod İSO-2005 beynəlxalq təhlükəsizliyin idarə edilməsi
sertifikatı almışdır. Layihənin icrası nəticəsində 30 yeni iş yeri
yaradılmışdır.
----------
13:17
AzərTAc
xəbər verir ki, Azərbaycan Respublikasının
Prezidenti İlham
Əliyevmayın 1-də Yeni Azərbaycan
Partiyası Ağdaş rayon təşkilatının inzibati binasının açılışında
iştirak etmişdir.
Dövlətimizin başçısı binanın rəmzi açılışını
bildirən lenti kəsdi.
Yeni Azərbaycan Partiyası ölkəmizin bugünkü
sürətli inkişafında, respublikanın beynəlxalq nüfuzunun artmasında,
bütün sahələrdə əldə olunan tərəqqidə xüsusi rol oynayır.
Azərbaycanın əsas və aparıcı siyasi qüvvəsi olan Yeni Azərbaycan
Partiyası bütün bu məsələlərdə yaxından iştirak etməklə yanaşı,
xalqın partiyası olmasını aydın nümayiş etdirir. Ümummilli lider,
partiyanın yaradıcısı Heydər Əliyev demişdir: “Yeni Azərbaycan
Partiyası dünənin, bu günün və gələcəyin partiyasıdır”. Bu gün bu
fikrin nə qədər doğru olması özünü daha aydın büruzə verir. Yeni
Azərbaycan Partiyası ölkənin tərəqqisinə, dövlətçiliyin möhkəm
təməllər üzərində qurulmasına çox mühüm töhfələr verir. Bu gün
partiyanın sıralarının genişlənməsi və fəaliyyətinin keyfiyyətcə
yeni mərhələyə qədəm qoyması şübhəsiz ki, cəmiyyətdə bu siyasi
quruma olan ehtiram və hörmətdən, onun nüfuzundan
qaynaqlanır.
Yeni Azərbaycan Partiyasının ümumi məqsədlər və
amallar naminə uğurlu fəaliyyətində partiyanın rayon
təşkilatlarının da rolu danılmazdır. Respublikanın bütün
bölgələrində inşa olunan YAP rayon təşkilatlarının inzibati
binaları müasirliyi ilə seçilməklə yanaşı, həm də inşa olunduğu
şəhərin gözəlliyini artırır. Bu binalarda ən yüksək səviyyədə
işləmək üçün hər cür şərait yaradılır.
Yeni Azərbaycan Partiyası Ağdaş rayon təşkilatının
inzibati binası da bu baxımdan mühüm əhəmiyyətə malikdir. Bina
orijinal layihə, maraqlı memarlıq quruluşu ilə Ağdaş şəhərinin
gözəlliyini daha da artırır.
Azərbaycan Prezidentinə məlumat verildi ki,
ikimərtəbəli, 17 otaqlı binanın inşasına 2012-ci ilin avqust ayında
başlanılmışdır. İşlərin yüksək keyfiyyətlə və qısa müddətdə
görülməsi üçün bütün qüvvələr səfərbər olunmuşdur. Bina müasir
inventar və avadanlıqla təchiz edilmişdir.
Binanın foyesində ulu öndər, Yeni Azərbaycan
Partiyasının yaradıcısı Heydər Əliyevin büstü qoyulmuşdur. Burada
Ümummilli Liderin və Prezident İlham Əliyevin Yeni Azərbaycan
Partiyası ilə bağlı fəaliyyətlərini əks etdirən maraqlı fotolardan
ibarət guşələr vardır. Müxtəlif tədbirlərin keçirilməsi üçün akt
zalı da yaradılmışdır. İnzibati otaqlar binanın ikinci mərtəbəsində
yerləşir.
Hazırda YAP Ağdaş rayon təşkilatının 16 min nəfər
üzvü vardır. Onların 51 faizini qadınlar, 43 faizini gənclər təşkil
edir.
Dövlətimizin başçısı müvafiq tapşırıq və
tövsiyələrini verdi.
---------
12:37
AzərTAc
xəbər verir ki, Azərbaycan Respublikasının
Prezidenti İlham
Əliyevmayın 1-də Ağdaş Rayon İcra
Hakimiyyətinin yeni inzibati binasının açılışında iştirak
etmişdir.
Son illər Azərbaycanın bütün bölgələri sürətli
inkişaf dövrünü yaşayır. Həyata keçirilən məqsədyönlü tədbirlər
nəticəsində rayonların iqtisadiyyatı daha da möhkəmlənir, əhalinin
yaşayış səviyyəsi yaxşılaşır. Həmçinin bölgələrdə geniş
abadlıq-quruculuq işləri aparılır. Prezident İlham Əliyevin
sərəncam və göstərişləri ilə regionlarda həyata keçirilən quruculuq
işləri ilk növbədə həmin bölgələrin inkişaf strategiyasına uyğun
aparılır. Tikilən binalar bölgələrin simasına xüsusi yaraşıq verir,
həm də müasirləşən rayonların memarlıq quruluşuna əlavə çalarlar
qatır. İndi bütün rayonlarda davam edən abadlıq-quruculuq işləri
ölkəmizin kompleks inkişafını təmin edir. Bu sırada son illərdə
Ağdaş rayonunda görülən işlər də diqqəti cəlb edir. Rayonun
sosial-iqtisadi inkişafı çərçivəsində görülən tədbirlər sırasında
icra hakimiyyəti üçün yeni tikilən binada yaradılan şərait bir
məqamı təsdiqləyir ki, ölkədə dövlət idarəçiliyi sistemi işinin
stimullaşdırılması diqqət mərkəzində saxlanılır. Dörd mərtəbədən
ibarət bina bütün lazımı avadanlıq və sistemlərlə təchiz
edilmişdir. Binadakı otaqların hamısı müasir tələblər səviyyəsində
qurulmuşdur. Burada, həmçinin iclas, konfrans zalları, arxiv,
rabitə və xüsusi rabitə otaqları, yeməkxana, qaraj
yaradılmışdır.
Dövlətimizin başçısına məlumat verildi ki, binanın
inşasına 2012-ci ilin avqustunda başlanılmış və bu ilin aprelində
başa çatdırılmışdır. Tikinti işləri ən yüksək səviyyədə
aparılmışdır. Binanın interyeri zövqlə tərtib olunmuşdur. Foyedə
ulu öndər Heydər Əliyevin büstü qoyulmuşdur. Burada, həmçinin
ümummilli lider Heydər Əliyevin və Prezident İlham Əliyevin
ölkəmizin tərəqqisində fəaliyyətini əks etdirən fotoguşələr
yaradılmışdır.
Fotoguşələrdə Ümummilli Liderin və Prezident İlham
Əliyevin Ağdaş rayonunda müxtəlif illərdə keçirilən tədbirlərdə
iştiraklarını əks etdirən şəkillər vardır.
Azərbaycan Prezidenti otaqlarda yaradılan şəraitlə
tanış oldu. Otaqların hamısı müasir tələblər səviyyəsində
qurulmuşdur. Burada, həmçinin müasir idarəetmə metodlarından
istifadə etmək üçün bütün texniki şərait yaradılmışdır. Bu da icra
strukturunun işinin daha mükəmməl qurulmasına kömək edəcəkdir.
İnzibati binada sakinlərlə və yerli icra nümayəndələri ilə
videokonfrans zalı vardır. Bütün bunlar icra hakimiyyətinin
əməkdaşlarının səmərəli fəaliyyət göstərməsi və sakinlərin
rahatlığının təmin olunması məqsədi ilə
yaradılmışdır.
Konfrans zalı da ən son texnologiyalar əsasında
qurulmuşdur. Müasir standartlara cavab verən texnologiyalar
əsasında qurulmuş 100 yerlik akt zalında rayon və respublika
əhəmiyyətli tədbirlər keçiriləcəkdir. Yeni binada, həmçinin
operativ idarəetmə mərkəzi də yaradılmışdır. Sakinlər binaya
gəlmədən kənd və qəsəbə icra nümayəndəliklərinə müraciət edərək
onları narahat edən problemlərlə əlaqədar rayon icra hakimiyyətinin
başçısı və digər məsul şəxslərlə birbaşa videoəlaqə yarada
biləcəklər. Artıq rayonun bəzi icra nümayəndəlikləri şəbəkəyə
qoşulmuşdur.
Binanın yerləşdiyi ərazidə geniş yaşıllaşdırma
işləri görülmüş, müasir işıqlandırma sistemi
qurulmuşdur.
Prezident İlham Əliyev görülən işlərdən razılığını
bildirdi, əhaliyə yüksək xidmət göstərilməsi ilə bağlı tapşırıq və
tövsiyələrini verdi.
----------
12:06
AzərTAc
xəbər verir ki, mayın 1-də Azərbaycan
Respublikasının Prezidentiİlham
Əliyev Ağdaşda Heydər Əliyev Mərkəzinin
açılışında iştirak etmişdir.
Dövlətimizin başçısı Mərkəzin rəmzi açılışını
bildirən lenti kəsdi.
Azərbaycan dövlətçiliyinin möhkəm əsaslar üzərində
qurulmasında, respublikanın hərtərəfli inkişafında, ölkədə bütün
sahələrin canlandırılmasında böyük xidmətləri olan ümummilli lider
Heydər Əliyevin xatirəsinin əbədiləşdirilməsi üçün mühüm tədbirlər
görülür. Dünya şöhrətli siyasi xadimin anadan olmasının 91-ci
ildönümü münasibətilə hazırda vacib layihələr reallaşdırılır. Bu
layihələr sırasında paytaxt Bakıda və bölgələrdə yaradılan Heydər
Əliyev mərkəzlərinin dahi şəxsiyyətin siyasi irsinin öyrənilməsində
mühüm rolu vardır.
Belə mərkəzlərdən biri də Ağdaş şəhərində
tikilmişdir. Bu Mərkəzin yaradılması ilk növbədə ağdaşlıların dünya
şöhrətli siyasi xadimin xatirəsinə ehtiramını nümayiş etdirir. Bu,
həm də Ulu Öndərin zəngin və çoxşaxəli irsinin təbliğində və
öyrənilməsində mühüm rol oynayır. Mərkəzdəki foto və eksponatlar
bir daha sübut edir ki, Azərbaycanın tənəzzül dövründən yüksəliş
mərhələsinə qədəm qoyması və indiki hərtərəfli inkişafı, beynəlxalq
nüfuzunun artması məhz ulu öndər Heydər Əliyevin Vətən və xalq
qarşısındakı misilsiz xidmətləri ilə bağlıdır.
Prezident İlham Əliyevə məlumat verildi ki,
Mərkəzin inşasına 2012-ci ilin avqustunda başlanmışdır. İnşaat
işləri ən yüksək standartlar səviyyəsində həyata keçirilmişdir.
Ümumi sahəsi 5 min 800 kvadratmetr olan ikimərtəbəli bina zəruri
avadanlıqla təchiz edilmişdir.
Girişdə Mərkəzin qonaqlarına inzibati binanın
maketi təqdim olunur. Birinci mərtəbədə ümummilli lider Heydər
Əliyevin büstü qoyulmuşdur. Buradakı ekspozisiya zalında Ulu
Öndərin həyat və fəaliyyəti ilə bağlı sənədlər böyük maraq doğurur.
Dahi şəxsiyyətin müxtəlif dövrlərdə çəkilmiş fotoları 6 guşədə
yerləşdirilmişdir. Bu fotolarda Ümummilli Liderin istər sovet
hakimiyyəti illərində, istərsə də müstəqillik dövründə Azərbaycana
rəhbərlik edərkən Ağdaşın inkişafına da xüsusi diqqət göstərməsi
dolğun əksini tapmışdır. Ulu Öndərin rayondakı müxtəlif obyektlərin
açılışında iştirak etməsi, ictimaiyyət nümayəndələri, ziyalılar və
zəhmətkeşlərlə görüşləri ağdaşlıların xatirəsində dərin izlər
buraxmışdır. Mərkəzdə xarici dil kursları, foto-video-audio
studiya, informasiya texnologiyaları otağı, xalq çalğı alətləri
dərnəyi, rəqs studiyası, internet klub, kafe, 3D kino zalı və s.
fəaliyyət göstərəcəkdir.
Prezident İlham Əliyevin müxtəlif illərdə Ağdaşa
səfərlərini əks etdirən fotoguşənin də yaradıldığı Mərkəzdə rayonun
ictimai-siyasi həyatında baş verən mühüm hadisələr və əlamətdar
günlərlə bağlı tədbirləri yüksək səviyyədə keçirmək üçün hərtərəfli
imkan vardır. Mərkəzin böyük və kiçik konfrans zallarında
ictimai-siyasi və mədəni-kütləvi tədbirlərin, o cümlədən ulu öndər
Heydər Əliyevin zəngin irsinin geniş təbliği məqsədi ilə açıq
dərslərin keçirilməsi də nəzərdə tutulmuşdur. Açıq sərgi salonunda
maraqlı rəsm nümunələri nümayiş etdirilir. Burada rəsm və
heykəltəraşlıq studiyası, xalq sənətkarlığı emalatxanası, dizayn və
kompyuter kursları, elektron kitabxana fəaliyyət
göstərəcəkdir.
İntellektual oyunlar otağında müxtəlif oyunların
təşkili planlaşdırılır.
Son illər respublikamızda fəaliyyət göstərən
Heydər Əliyev mərkəzlərində yeni ailə quran gənclərin nikah
mərasimlərinin keçirilməsi nəzərə alınaraq, Ağdaş Heydər Əliyev
Mərkəzində VVAQ otağı (qeydiyyat şöbəsi) da
yaradılmışdır.
Mərkəzlə tanışlıqdan sonra dövlətimizin başçısı
rayon ictimaiyyətinin nümayəndələri ilə görüşdü.
Rayon ictimaiyyəti adından çıxış edən
Şəhla Hacıbalayeva Ağdaşın inkişafına göstərdiyi diqqət və qayğıya görə
dövlətimizin başçısına minnətdarlığını bildirdi.
Sonda xatirə şəkli çəkdirildi.
AzərTAc xəbər verir
ki, Azərbaycan Respublikasının Prezidenti İlham Əliyev mayın 1-də
Ağdaş rayonuna səfərə gəlib.
Dövlətimizin başçısı əvvəlcə Ağdaş şəhərinin mərkəzində xalqımızın
ümummilli lideri Heydər Əliyevin yeni ucaldılmış abidəsini ziyarət
etdi, önünə gül dəstəsi qoydu.
Ağdaş Rayon icra Hakimiyyətinin başçısı Tofiq
İbrahimov Prezident İlham Əliyevə Ulu Öndərin abidəsi
ətrafında aparılan abadlıq-quruculuq işləri barədə məlumat
verdi.
Bildirildi ki, burada iki fəvvarə kompleksi yaradılmışdır. Abidənin
ətrafı mərmərlə üzlənmiş, geniş yaşıllaşdırma işləri həyata
keçirilib.
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO