Qırmızı.az

ATV-nin məşhur aparıcılarından "qanlı" görüntülər – FOTOLAR

2 İyun 2014 19:31

1 İyun – Uşaqların Beynəlxalq Müdafiə günü münasibətilə, “Azad Azərbaycan” Müstəqil Teleradio Kompaniyasının Hemofiliya və talassemiyadan əziyyət çəkən uşaqlara yardım məqsədilə qanvermə aksiyası keçirilib.

Publika.az xəbər verir ki, qanvermə aksiyasında könüllü olaraq “Azad Azərbaycan” Müstəqil Teleradio Kompaniyasının işçiləri iştirak edib.

“Qan ver və xilas et” şüarı altında keçirilən aksiyada qanverənlərin fəallığı müşahidə olunub. Burada insanlar qan verərək, eyni zamanda həm hemofiliyadan, həm də talassemiyadan əziyyət çəkən uşaqlara yardım etmiş olublar. Qeyd edək ki, qanvermə aksiyası “Savab dünyası” Talassemiya Asossiasiyasının və “Azad Azərbaycan” Teleradio Kompaniyasının təşəbbüsü ilə keçirilib.