• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Tənqidçinin ölüm işində yeni adlar üzə çıxa bilər

Tənqidçinin ölüm işində yeni adlar üzə çıxa bilər

Həkim terroru nəticəsində həyatını itirən tənqidçi Elnarə Tofiqqızının ölüm işi ilə bağlı istintaq davam etdirilir.

Bu barədə Axar.az-a mərhumun həyat yoldaşı Anar Niftəliyevin hüquqlarını müdafiə edən Səməd Vəkilov məlumat verib.

Onun sözlərinə görə, aparılan araşdırmalar nəticəsində E.Tofiqqızının ölümündə günahkar olan şəxslərin sayının artacağı gözlənilir:

“Bakı Şəhər Prokurorluğunun müstəntiqi Vaqif Süleymanov hazırda istintaqla əlaqədar yenidən aidiyyəti şəxslərin dindirilməsi və zəruri istintaq hərəkətlərini həyata keçirir. Yalnız bundan sonra təqsirkar şəxslərin dairəsi və onların məsuliyyət dərəcəsi aydınlaşacaq”.

S.Vəkilov istintaqın gedişində üzə çıxan ziddiyyətli məqamların aradan qaldırılmasına və günahkarların ciddi şəkildə cəzalandırılmasına çalışdıqlarını vurğulayıb.

Xatırladaq ki, 1977-ci il təvəllüdlü Elnarə Tofiqqızı ötən il sentyabrın 20-də Nəsimi rayonunda yerləşən “Medi Sina” Tibb Mərkəzində süd vəzi kanalının əməliyyatı zamanı vəfat edib. Hadisədən dərhal sonra E.Tofiqqızının meyiti müayinə olunmaq üçün Məhkəmə Tibbi Ekspertizası və komisyon müayinədən keçirilib. Keçirilən ekspertizaların ilkin rəyinə əsasən, E.Tofiqqızının nəfəs çatışmazlığından öldüyü məlum olub.

Baş verən həkim terroru ilə bağlı Nəsimi Rayon Prokurorluğunda cinayət işi açılıb və araşdırma aparılıb. Lakin bu istintaq hərəkətləri zərərçəkmiş tərəfi qane etmədiyindən onlar işin obyektiv araşdırılması üçün Baş Prokurorluğa müraciət edib. Bundan sonra çinayət işi araşdırılmaq üçün Bakı Şəhər Prokurorluğuna göndərilib.

Xəbər lenti

DAHA ÇOX XƏBƏR