Qırmızı.az
Dərs ili və tətil müddətləri ilə bağlı dəyişikliklər məlum oldu
Azərbaycanda yeni tədris ilinin uzadılması və tətil müddətlərinin dəyişdirilməsi ilə bağlı gözlənilən dəyişikliklər məlum oldu.
Hökumətdən Trend-ə verilən məlumata görə, artıq Təhsil Nazirliyi orta məktəblərdə yeni tədris ilinin uzadılması ilə bağlı təkliflərini Nazirlər Kabinetinə təqdim edib.
Təkliflərə əsasən, dərslər sentyabrın 15-də başlayacaq, iyunun 14-də bitəcək. Belə olduqda dərs ilinin birinci və ikinci yarımillərinin müddətində də dəyişiklik olacaq.
Təhsil Nazirliyinin bu təklifi qəbul olunarsa, tətillərin də müddəti dəyişdiriləcək. Əsasən qış tətilinin müddəti azaldılacaq.
Bununla yanaşı, şagirdlər üçün yaz tətilinin müddətinin tarixləri də dəyişdiriləcək. Hazırda şagirdlər üçün bu tətil martın 16-dan 23-dək olan dövrü əhatə edir. Əgər TN-in təklifi bəyənilərsə, onda şagirdlər üçün bu tətil aprel ayı ərzində olacaq.
Novruz bayramı günlərində isə ölkənin digər dövlət qurumlarında olduğu kimi, orta məktəblərdə də qeyri-iş günləri olacaq və şagirdlər həmin günlərdə də istirahət edə biləcəklər.
TN-in təklifi qəbul edildikdən sonra orta məktəblərdəki tətillərin müddəti daha dəqiq müəyyən ediləcək. Dərs ilinin uzadılması şagirdlərin dərs yükünü azaltmağa xidmət edir.
Qeyd edək ki, digər ölkələrlə müqayisədə Azərbaycanda tədris həftələrinin sayı azdır. Bir çox ölkələrdə bu müddət 38, bəzi ölkələrdə 40-43 həftəyə çatır. Hazırda dərs ili I siniflərdə 31, II-XI siniflərdə 32 tədris həftəsindən ibarətdir. Dərs məşğələləri sentyabrın 15-də başlayıb mayın 31-də başa çatır. Birinci yarımil 15 sentyabr - 29 dekabr, ikinci yarımil 6 yanvar - 31 may tarixlərini əhatə edir.
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı