Qırmızı.az
Aydın Mirzəzadə: “Ərdoğanla bağlı əvvəlki fikrimdə qalıram”
Milli Məclisin təhlükəsizlik və müdafiə komitəsinin sədr müavini, Yeni Azərbaycan Partiyası (YAP) Siyasi Şurasının üzvü Aydın Mirzəzadə “Azadlıq” qəzetində onunla bağlı səsləndirilən fikirlərə cavab verib.
Publika.az-a açıqlamasında A.Mirzəzadə “Azadlıq” qəzetində dərc olunan yazı hər zaman olduğu kimi qeyri-peşəkar və uydurma olduğunu bildirib.
Xatırladaq ki, “Azadlıq” qəzeti millət vəkilinin bir həftə ərzində Türkiyənin yeni seçilmiş prezidenti Rəcəb Tayyib Ərdoğanla bağlı mövqeyini dəyişdirdiyini iddia edib.
A.Mirzəzadə özünün əvvəlki fikrində qaldığını dilə gətirib: “Mən o vaxtı cənab Ərdoğanın inauqurasiya mərasiminə Serj Sarkisyanın dəvət edilməsini tənqid etmişəm və bu fikrimdə indi də qalıram. Hesab edirəm ki, Türkiyəyə düşmən Ermənistan prezidentinin Ərdoğanın inauqurasiya mərasiminə dəvət edilməsi düzgün addım deyildi. Türkiyəyə gedən Ermənistan xarici işlər nazirinin Ərdoğanı İrəvanda qondarma erməni soyqırımı abidəsini ziyarət etməyə dəvət etməsinin özü də bu dəvətin acı nəticəsi oldu”.
Millət vəkilinin sözlərinə görə, ümumilikdə bu məsələ Türkiyənin daxili işi olsa da, Azərbaycanda olan Türkiyə sevərlərin məsələyə münasibəti mənfi olub.
“Ancaq bununla belə, mən Rəcəb Tayyib Ərdoğanı əvvəllər olduğu kimi, indi də Türkiyənin görkəmli dövlət xadimlərindən biri hesab edirəm. Hesab edirəm ki, onun Türkiyə prezidenti seçilməsi də tamamilə qanunauyğun idi. İnanıram ki, o, Azərbaycan və Türkiyə münasibətlərinin daha da inkişaf etdirilməsinə öz töhfəsini verəcək”, - deyə A.Mirzəzadə vurğulayıb.
Vasif Həsənli
-
Region01:50
İranda qadın alveri və intim xidmətlər barədə ŞOK FAKTLAR - VİDEO
-
İdman01:08
"Real" ÇL-nin finalında! - VİDEO/YENİLƏNDİ
-
Region00:45
Putinlə Paşinyanın görüşü başa çatdı - YENİLƏNDİ
-
Qoroskop00:35
Günün qoroskopu: nüfuzlu insandan dəstək ala bilərsiniz
-
Hadisə8 May 23:34
Xırdalanda küçə itləri qadını dişlədi - ANBAAN VİDEO
-
Hadisə8 May 21:59
Hoteldə zəhərlənən dostlarla bağlı FAKTLAR: Qonaqlıq buna görə təşkil edilibmiş... - FOTO
-
Qoroskop8 May 20:55
Yeni ay bu 3 bürcü sevindirəcək – Şans onlardan yanadır
-
Magazin18 May 19:40
“Mənə Avroviziyadan yazana söyüş qoymuşam” - Aparıcı