Xəzər dənizində salınan möhtəşəm şəhər Küveyt mətbuatında - FOTOLAR

Avesta Konserninin meqa layihəsi olan “Xəzər adaları”na (“Khazar Islands”) maraq son günlər xüsusilə diqqəti cəlb edir.

Konsernin mətbuat xidmətindən Publika.az-a daxil olan məlumata görə, xarici ölkələrin aparıcı media nümayəndələri Azərbaycana səfər edərək, həm layihə ilə yaxından tanış olur, həm də şirkətin Avesta Konserninin prezidenti Hacı İbrahim Nehrəmlidən geniş reportajlar hazırlayırlar.

Belə ki, təkcə bu ilin avqustunda Yaponiya və Türkiyənin aparıcı KİV-lərindən əlavə, Küveytin də tanınmış mətbu orqanları bu analoqu olmayan layihədən yazılar dərc ediblər.

Məqalələrdə Avesta Konserninin prezidenti Hacı İbrahim Nehrəmlidən bəhs edən KİV nümayəndələri bu layihənin dünya miqyasında tanınmasından, layihənin dəyərindən və perspektivlərindən bəhs ediblər.

Həmçinin, gələcəkdə Küveyt və Azərbaycan arasında investisiya əlaqələrinin genişləndirilməsinin hər iki ölkə üçün çox mühüm əhəmiyyət kəsb etdiyini də vurğulayıblar.

Qeyd edək ki, bu yazılar Küveytin “Alwatan” və “Alanba” nəşrləri tərəfindən dərc olunub.

Vasif Həsənli