ADU-ya yeni mətbuat katibi təyin olundu – ÖZƏL

Azərbaycan Dillər Universitetinin (ADU) İctimaiyyətlə əlaqələr Departamentinə müdir əvəzi (mətbuat katibi) təyin olunub.

Bu barədə Publika.az-a Universitetdən məlumat verilib.

Universitetdən verilən məlumata görə, artıq rektor Səməd Seyidov Departamentin əməkdaşı Şəfaqət Kazımovanın Azərbaycan Dillər Universitetinin (ADU) İctimaiyyətlə əlaqələr Departamentinə müdir əvəzi təyin edilməsi ilə bağlı müvafiq əmr imzalayıb və gələn həftənin ilk iş günü elan olunacaq.

Qeyd edək ki, Səfaqət Kazımova buna qədər Azərbaycan Dillər Universitetinin (ADU) İctimaiyyətlə əlaqələr Departamentində çalışıb. Belə ki, o, 2009-cu ildə Azərbaycan Dillər Universitetinin İctimaiyyətlə əlaqələr və Mətbuat xidmətində məsul katib və böyük redaktor vəzifələrini tutub. 2014-cü ilin fevralında ADU-da İctimaiyyətlə əlaqələr Departamenti yaradıldıqdan sonra departamentin Mətbuat xidməti bölməsinə rəhbərlik edib.

O, artıq Departament müdirinin vəzifələrini icra edir.

Xatırladaq ki, ADU-nun əvvəlki İctimaiyyətlə əlaqələr Departamentinin əvvəlki müdiri Zeynab Kazımova bir müddət öncə Ali Neft Məktəbinə keçib.

Gülxar