Qırmızı.az
Gömrük Akademiyasında Xocalı soyqırımı anılıb
Fevralın 26-da Dövlət Gömrük Komitəsinin Akademiyasında Xocalı soyqırımının 23-cü ildönümü münasibətilə tədbir keçirilib.
Teleqraf.com-un məlumatına görə, tədbirdə iştirak edən akademiyanın müəllim, müdavim və tələbələri 1 dəqiqəlik sükutla faciə qurbanlarını yad ediblər.
Akademiyanın rəis müavini İdris Cəfərov çıxış edərək faciə barədə məlumat verdikdən sonra Xocalı hadisələrindən bəhs edən film nümayiş olunub.
Tədbirdə Akademiyanın tələbəsi Elmir Seyfəddinli, müdavim Zübeydə Vəliyeva məruzə ilə çıxış ediblər. Məruzələrdə Xocalı faciəsinin səbəbləri, fevralın 25-dən 26-na keçən gecə şəhərdə baş verən hadisələr, dinc əhalinin başına gətirilən müsibətlər barədə ətraflı məlumat verilib.
Bildirilib ki, bu, yalnız Azərbaycan xalqına qarşı törədilmiş soyqırımı aktı deyil, həm də bəşəriyyətə qarşı yönəlmiş vandalizmdir. Çıxışlarda o da qeyd edilib ki, Xocalı faciəsinə ilk dəfə hüquqi qiymət ümummilli lider Heydər Əliyev tərəfindən verilib və məhz onun təşəbbüsündən sonra faciə beynəlxalq miqyasda təbliğ olunmağa və tanınmağa başlanıb.
Hazırda bu istiqamətdə görülən işlərdən də bəhs edilərək bildirilib ki, Prezident İlham Əliyev “Xocalıya ədalət” kampaniyasının keçirilməsi ilə bağlı tədbirlər haqqında sərəncam imzalayıb. Həyata keçirilən məqsədyönlü tədbirlər nəticəsində dünyanın 8 ölkəsi, bir neçə beynəlxalq təşkilat və ABŞ-ın 15-dək ştatı Xocalı faciəsini soyqırımı kimi tanıyıb.
Akademiyanın müdavimi Elşən Əlizadənin “Xocalı soyqırımı dünya mətbuatında” adlı məruzəsində isə xüsusilə Avropa və Amerika mətbuatında faciə haqqında dərc olunan məlumatlar sitatlar əsasında təqdim olunub.
Akademiyanın rəis müavini Nizami Quliyev çıxış edərək ermənilərin Dağlıq Qarabağ və ümumiyyətlə Azərbaycan ərazisinə necə yerləşməsi, “Böyük Ermənistan” ideyalarını reallaşdırmaq üçün törətdikləri vəhşiliklər barədə ətraflı məlumat verib.
Tədbir “Ümid sənədir, Azərbaycan əsgəri” adlı ədəbi kompozisiyanın nümayişi ilə başa çatıb.
Naibə QURBANOVA
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq