Qırmızı.az

Zakir Həsənov Xorvatiya və Sloveniyaya səfərə yola düşüb

10 Mart 2015 19:58

Azərbaycanın Müdafiə naziri Xorvatiya və Sloveniyaya rəsmi səfərə yola düşüb.

Publika.az Müdafiə Nazirliyinin saytına istinadən xəbər verir ki, Azərbaycan Respublikasının müdafiə naziri, general-polkovnik Zakir Həsənov Xorvatiya və Sloveniyaya rəsmi səfərə yola düşüb. Zakir Həsənov Xorvatiyanın müdafiə naziri Ante Kotromanoviçin dəvəti ilə martın 10-dan 12-dək bu ölkədə səfərdə olacaq. Nazirin sloveniyalı həmkarı Yanko Veberin dəvətinə əsasən bu ölkədə səfəri isə martın 12-dən 14-dək davam edəcək. Səfər çərçivəsində hər iki ölkənin rəhbərliyi ilə bir sıra görüşlərin keçirilməsi, ikitərəfli hərbi əməkdaşlığın perspektiv istiqamətlərinin müzakirə edilməsi, təhlükəsizlik və digər məsələlərə dair fikir mübadiləsinin aparılması planlaşdırılır.