• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Zakir Həsənov Serbiya prezidenti ilə görüşüb

Zakir Həsənov Serbiya prezidenti ilə görüşüb

Azərbaycanın müdafiə naziri general-polkovnik Zakir Həsənovun rəhbərlik etdiyi nümayəndə heyətinin Serbiyaya rəsmi səfəri davam edir.

Səfər çərçivəsində Azərbaycan müdafiə naziri Zakir Həsənovu Serbiya prezidenti Tomislav Nikoliç qəbul edib.

Görüş zamanı Z.Həsənov rəsmi səfərinin uğurla keçdiyini vurğulayaraq, dövlət başçılarının səyləri nəticəsində ikitərəfli əlaqələrin sürətlə inkişaf etdiyini, strateji tərəfdaşlıq səviyyəsinə çatmasından məmnunluğunu və bu səfərin müdafiə sahəsində əməkdaşlığa mühüm töhfə verəcəyinə ümidvar olduğunu bildirib.

Səfər çərçivəsində Azərbaycan nümayəndə heyəti Serbiyanın müdafiə sənayesi müəssisələrində olub. Müdafiə naziri general-polkovnik Zakir Həsənov Azərbaycanın Serbiyadakı səfirliyini də ziyarət edib.

Xəbər lenti

DAHA ÇOX XƏBƏR