İmtahan vaxtı dəyişdi

Birinci Avropa Oyunları ilə əlaqədar Bakı Dövlət Universitetində bəzi tələbələrin imtahan vaxtı dəyişdi.

Universitetin Mətbuat və informasiya şöbəsindən Publika.az-a verilən məlumata görə, dəyişiklik yalnız bu tədbirdə könüllü iştirak edən tələbələrə şamil edilir

“Bakı 2015 Avropa Oyunlarına Bakı Dövlət Universitetindən qoşulan tələbələr qonaqların qəbul olunması, idman sahəsində iş görülməsi, media üzvlərinə və fəxri qonaqlara kömək göstərilməsi kimi 250 müxtəlif vəzifəni yerinə yetirəcəklər. Könüllülərin yay oyunları ilə bağlı hazırlıq dərsləri, məşqləri və digər tədbirləri bu il may ayına çəkilmiş yay imtahan sessiyası ilə üst-üstə düşdüyündən onlar üçün iyun ayının sonunda imtahan keçiriləcək. Yuxarıda qeyd edilmiş səbəblərdən imtahanlara yaxşı hazırlaşa bilməyən və imtahanda iştirak edə bilməyən könüllülər ərizə ilə müraciət edərək iyun ayında onlar üçün imtahan təşkil olumasını xahiş edirlər”.

Məlumatda bildirilib ki, belə ərizə ilə müraciət etmək hər bir tələbənin şəxsi işidir, yəni tələbə imtahanlarda iştirak edə də bilər və bu hüquq BDU-nun 20 000 tələbəsindən yalnız könüllülərə şamil edilir.

Gülxar