Ermənilər çaylarımızı belə çirkləndirirlər - VİDEO

Mənfur qonşularımız ekoloji terrora da əl atırlar.

Ermənilərin ekoloji terroru davam edir. Bir tərəfdən təmas xəttində yanğınlar törədən mənfur qonşularımız, ənənələrinə sadiq qalaraq çaylarımızı da çirkləndirir. Tovuzun Əlibəyli kəndindən keçən Tovuz çayında da anoloji vəziyyət yaşanır.

Azərbaycanın 2 böyük çayı - Kür və Araz Ermənistandan keçir və hər iki çay mütəmadi olaraq ermənilər tərəfindən çirkləndirilir. Bədnam qonşularımız Gəncəçay, Qoşqarçay, Şəmkirçay, Tovuzçay, Ağstafaçayı da çirkləndirirlər.

Acınacaqlı vəziyyət Tovuzun Əlibəyli kəndindən keçən Tovuz çayında da yaşanır. Çayın mütəmadi olaraq çirkləndirilməsi sakinləri narahat edir.

Ekoloqlar bildirir ki, belə çaylardan kənd təsərrüfatında suvarma məqsədi ilə istifadə etmək də məsləhət deyil. Torpağı və bitkiləri zəhərləyir. Xüsusilə, Araz çayına atılan tullantılar çox təhlükəlidir.

Mənfur qonşular vaxtaşırı partlayıcı qurğuları da Azərbaycan tərəfinə axıdır. Bəzədilmiş partlayıcılar. Məsələn, 4 il əvvəl Tovuzçayı vasitəsilə Əlibəyli kəndinə axıdılan kukla 13 yaşlı Aygünün həyatına son qoymuşdu. Bu cür çirkin plan isə yalnız ermənilərin ağlına gələ bilər. (Region TV)