Tabloid.az
“Yaşadan əbədi Yaşar” təqdim olundu - FOTOLAR
Akademik Milli Dram Teatrında görkəmli teatr və kino aktyoru, mərhum xalq artisti Yaşar Nurinin yaradıcılığına həsr olunmuş “Yaşadan əbədi Yaşar” adlı monoqrafiyanın təqdimat mərasimi keçirilib. Publika.az xəbər verir ki, müəllifi sənəşünaslıq üzrə fəlsəfə doktoru, professor İlham Rəhimli, elmi redaktoru sənətşünaslıq doktoru, professor İsrafil İsrafilov, redaktoru professor Məryəm Əlizadə olan kitabın təqdimat mərasiminə mərhum aktyorun sənət yoldaşları, doğmaları təşrif buyurublar.
Tədbirin aparıcısı, həmçinin kitabın redaktoru Məryəm Əlizadə “Yaşadan əbədi Yaşar”ın ustad sənətkarı daha yaxından tanımaq baxımından əvəzolunmaz vəsait olduğunu bildirib.
Teatr Xadimləri İttifaqının (TXİ) sədri, rejissor Azərpaşa
Nemətov isə Yaşar Nurinin qüdrətli sənətkar olduğu kimi, ictimai
işlərdə də fəallıq nümayiş etdirdiyini bildirib. Y.Nurinin TXİ-nin
katibi kimi gördüyü işlərdən danışan rejissor sənətkar haqda
xatirələrini danışıb:
“Səhər tezdən uşağı məktəbə aparıram. Birdən başqa maşın mənim
maşınımı vurdu. Məni tutub apardılar polis idarəsinə. Vəziyət belə
idi ki, günahkar olmadığım halda hər şey mənim üstümə
yönləndirilirdi. Çıxış yolu kimi Yaşar Nuriyə zəng etməyi gördüm.
Bir saat keçməmiş özünü çatdırdı. Onu görən kimi hər şey dəyişdi,
əleyhimə yazdıqlarını cırdılar və təzədən yazdılar. Halbuki
bayaqdan günahkar olmadığım halda günahlandırılırdım. Yaşar belə
nüfuzli insan idi”.
Tanınmış kinorejissor Eldar Quliyev isə Yaşar Nurinin faciə
aktyoru olduğunu, ancaq rejissorların bunu görə bilmədiyini
vurğulayıb:
“Yaşarı “Nə gözəldir bu dünya” filminə çəkəndə mənə deyirdilər ki,
film uğursuz olacaq. Elə Yaşara da deyirdilər ki, sən komediya
aktyorusan, alınmayacaq. Film təqdim olunandan sonra həmin adamlar
gəlib ondan üzr istədilər. Amma təəssüf ki, Yaşarın bütün
potensialı açılmadı. Son vaxtlar həftədə bir dəfə telefonla
danışırdıq. Bir dəfə də səhhətindən gileylənmirdi. Çalışırdı öz
kefi olmasa da ətrafındakıların əhvalına müsbət təsir
göstərsin.
Məncə, Yaşar səhnədə oynamırdı, yaşayırdı. Real həyatda isə oynayırdı. Yəni həyatını görmək istədiyi kimi yaşamağa çalışırdı”.
Mərhum aktyorun sənət dostu, xalq artisti Firəngiz Mütəllimova isə Yaşar Nurinin onun sənətə gəlməyində müstəsna xidmətlərindən danışıb. “Sənətə addımımı Yaşarla atdığıma görə xoşbəxtəm”- deyən Mütəllimova həmkarından öyrəndiyi sənət sirlərindən söz açıb:
“Elə sənət sirləri var ki, onu mənə Yaşar öyrədib. Həmin sirlər
mənimçün çox müqəddəsdir və ancaq sevimli tələbəm olsa, bu sirləri
ona açaram.”
Yaşar Nurinin kiçik qızı Ülkər Nuriyeva kitabın müəllifinə və zəhməti keçən hər kəsə təşəkkürünü bildirib. O, qeyd edib ki, belə bir sənətkarın qızı olduğu üçün fəxr edir:
“Hansı məclisə gedirəmsə, Yaşar Nurinin qızı olduğumu biləndə daha
böyük hörmətlə yanaşırlar. Hər dəfə buna görə qürur duyuram. O,
yaxşı sənətkar olmaqla yanaşı, həm də gözəl, qayğıkeş ata idi”.
Xalq artisti Hacı İsmayılov, kitabın müəllifi İlham Rəhimli və başqaları sənətkar haqda xoş xatirələrini paylaşıblar. Mərasimin sonunda Yaşar Nurinin oynadığı ayrı-ayrı film və tamaşalardan epizodlar nümayiş etdirilib.
İntiqam VALEHOĞLU
Fotolar: Elçin Murad
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı