• USD 1,7339 0,00% EUR 1,8651 +1,90%
    • GBP 2,2098 +0,44% RUB 0,0271 +0,37%

Akademiklərimiz Almaniyaya gedir

Akademiklərimiz Almaniyaya gedir

Azərbaycan Milli Elmlər Akademiyası ilə (AMEA) Almaniya elmi ictimaiyyəti arasında əməkdaşlıq imkanları müzakirə ediləcək.

AMEA-dan Publika.az-a verilən məlumata görə, bu məqsədlə Akademiyanın prezidenti, akademik Akif Əlizadənin rəhbərlik etdiyi nümayəndə heyəti oktyabrın 28-dən noyabrın 2-nə qədər Berlində Azərbaycan diasporunun elmi nümayəndələri ilə görüşəcək. Ölkəmizin Berlində yerləşən səfirliyinin dəstəyi ilə təşkil edilən səfər çərçivəsində “Azərbaycan – Almaniya: İkitərəfli münasibətlərdə elmin yeri və rolu” mövzusunda dəyirmi masa, həmçinin Berlin Elmlər Akademiyası və Humbolt Universitetinin “Azərbaycan tarixi” fakültəsində bir sıra görüşlər keçiriləcək.

Səfərdə AMEA-nın vitse-prezidenti, akademik İbrahim Quliyev, Elm Tarixi İnstitutunun direktoru, tarix elmləri doktoru Məryəm Seyidbəyli və Rəyasət Heyətinin Beynəlxalq Əlaqələr İdarəsinin rəis müavini Zərifə Əliyeva da iştirak edəcək.

Xəbər lenti

DAHA ÇOX XƏBƏR