Kristin Stüart gözəl aktrisanın sevgilisini əlindən aldı - Fotolar

Hollivudun ən gözəl aktrisalarından olan Cennifer Lavrens xəyanətə uğrayıb.

Uzun müddətdir eşq yaşadığı Nicholas Hoult aktrisanı, digər Holivud gözəlçəsi Kristen Stüartla aldadıb.

Film çəkilişləri üçün Tokiyoda olan Kristin Stüart və Nicholas Houltun birlikdə görüntülənməsi xəyanətin üstünü açıb.

Özünə rəfiqə saydığı Kristini sevgilisi ilə görən Cennifer depressiyaya düşüb.

Aktrisanın uzun müddətdir onunla münasibət qurmaq istəyən Kris Martinlə görüşməyə başladığı deyilir.

“Cold Play” qrubunun vokalisti olan Kris Martinin Cenniferə aşiq olduğunu bütün Holivud bilirdi. Ancaq Cenniferin sevgilisindən ayrılmaq fikri yox idi. Gözəl aktrisa xəyanətə uğrayacağını isə ağlına belə gətirmirdi.

Qeyd edək ki, “Alatoranlıq” filmi ilə məşhurlaşan aktrisa Kristin Stüartın bu ilk eşq qalmaqalı deyil. Aktrisa daha öncə də eyni filmdə rol aldığı Robert Pattinsonla 4 il dillərə dastan eşq yaşamış, ancaq aktyora rejissor Rupert Sanderslə xəyanət etmişdi. Robert Patinson bu hadisədən sonra uzun müddət depressiyadan çıxa bilməmişdi.

Tabloid.az