Tabloid.az

Nadir Qafarzadə: “Gecə saat 3-də evinə gələn qadın hansı ailədən danışa bilər?”

29 Sentyabr 2014 17:24

“Qeyrətsiz qeyrətdən, ailəsi olmayan da ailədən danışır”.

Tabloid.az xəbər verir ki, bu sözləri müğənni Nadir Qafarzadə “Günəbaxan” verilişində deyib. O, bəzi şou nümayəndələrini “ağ yuyub, qara sərib:

“Bu şou aləmində hər cür insanlara rast gəlmək olar. Mənə elə gəlir ki, bəzi televiziyaların günahkardırlar ki, qeyrəti olmayanı çağırırlar verilişə qeyrətdən danışmağa... Həmin adam da camaata qeyrətdən dərs keçir. Əri olmayanı çağırırlar, ailədən danışır. Uşağı olmayan da uşaq dərsi keçir. Ay başınıza dönüm, imkan verin, yerimizdə oturaq. Adama demək lazımdır ki, ay bacı, get otur evində, bozbaşını bişir. Sən bizə, ümumiyyətlə, Azərbaycan xalqına ailədən, qeyrətdən dərs keçmə. Çünki sənin leksikonunda ailə, qeyrət, namus sözü yoxdur. Gecə saat 2-də ya da 3-də evinə gələn qadın hansı ailədən danışa bilər? Bəsdirin artıq, camaat bezib...”