Tabloid.az

İlhamə Quliyeva hədələdi: “Sən kimsən axı?”

24 Fevral 2014 14:48

Xalq artisti İlhamə Quliyeva canlı yayımda bir çox həmkarlarını yaşlı adlandıran bir xanəndəni ağ yuyub qara sərdi.

Publika.az-ın məlumatına görə, sənətkar həmin sənətçinin adını çəkməsə də ona yerini göstərdi:

“Adını çəkməyəcəyəm, cavan bir xanəndə efirdə dedi ki, bu yaşlı sənətkarlar da səhnədən getmirlər. Sən kimsən axı, nə cəsarətlə özündən yaşca böyük sənətkarlar haqqında belə sözlər danışırsan?Yumurtadan dünən “ding” eləyib çıxmısan. Mən heç bu sözləri özümə aid də etmirəm, çünki ağ atın üstündə oturmuşam özüm üçün. Məni xalq sevir. Olsun başqa sənətkarlar, sən kimsən axı, böyük sənətkarlar haqqında qərar verirsən? Bir də görürsən, çıxıb efirdə deyirlər ki, İlhamə xanım titul paylayır. Mən titul vermirəm, sadəcə, sevdiyim müğənnilərə komplement deyirəm. Səməd Səmədova bir dəfə “toylar kralı” dedim, 30 ildir hamı onu belə çağırır. Yaxud da digər müğənnilər. Sevdaya Feya deyirəm, o qız cavandır, gözəldir, sanki göydə uçur”.

Cəvahir Səlimqızı