Qlamur qızlar üçün asan yığılan saç düzümləri - Fotolar

Modapərəst və qlamur qızlar üçün Yeni il şənliyində hamıdan fərqlənmək çox önəmlidir. Zərif, qüsursuz görünməkdə vaxt amili də böyük rol oynayır. Bəzən gözlənilməz hadisələr və vaxt qıtlığı gözəllik salonuna getməyə mane olur. Maddi məsələlər də gözəllik salonundan imtina etməyə sövq edir.

Məncə, bir xanım zövqlü olduğunda iddialıdırsa, bu maneələrə baxmayaraq, gözəl görünə bilər. Tabloid.az bütün xanımları nəzərə alaraq asan yığılan toppuz saç düzümlərinə aid bir neçə nümunə toplayıb.

Toppuz saç düzümləri bütün dövrlərdə klassik və dəbdən düşməyən modeldir. Lakin siz ona hörüklər əlavə edərək müasir formada yığa bilərsiniz. Toppuzlara əlavə olunan hörüklər sizə daha çox zəriflik, xanımlıq və qlamurluq gətirəcək.

Toppuz modelində diqqət edilməli əsas məqam saçların həcmli olmasıdır. Həcm istədiyiniz effekti almaqda kömək edir.

Fotolarda saçların yığılması mərhələ-mərhələ izahlı şəkildə verilib. Yəni, siz onları ev şəraitində də asanlıqla toplaya bilərsiniz. İlk dəfədən alınmasa da, bir neçə dəfə təkrarlayandan sonra sizdə də şəkildəki kimi gözəl alınacaq.