Nida.az
Vaşinqtonla Tehranın oyunu: Ankara və Moskva müharibə edəcəkmi? – Hasan Oktayın şərhi
“Rusiya fərqində olmadan Obamanın İran üzərindən qurduğu tələyə düşdü”.
Bunu Publika.az-a açıqlamasında Qafqaz Strateji
Araşdırmalar Mərkəzinin (KAFKASSAM) sədri, türkiyəli politoloq
Hasan Oktay deyib.
İran və ABŞ Suriyada Rusiya ilə Türkiyəni bataqlığa
saldı
Onun sözlərinə görə, Obama 2016-cı ilə qədər Amerikanı hər-hansı
bir müharibəyə salmadan idarə etmək istəyir: “İran ABŞ-la
razılaşandan sonra Tehran rahat nəfəs alan bir dövlət olaraq
diplomatiya sahəsini açdı. Bildiyimiz kimi, İraqda Səddam Hüseyn
rejimi İranın ən böyük düşməni idi. ABŞ İraqa girəndən sonra Səddam
Hüseyni devirməklə İranın bu ölkə üzərində hakimiyyətini təmin
etdi. Bu hadisə İrana çox şey öyrətdi. İndi eyni oyunu Suriyada
Rusiya üçün oynayır. Suriyada İran dövləti qeyri-rəsmi şəkildə
bütün gücü ilə Əsədin yanında yer aldı, lakin onun apardığı siyasət
uğurlu olmadı. Buna görə də Əsəd müxaliflərinə qarşı döyüşmək üçün
Rusiyanın bölgəyə girməsini təmin edərək böyük həmlə etdi. Rusiya
Suriyaya yad deyil, lakin, İran düşündü ki, Amerika İraqda qala
bilmədiyi kimi, Rusiya da Suriyada qalıcı olmayacaq. Yəni İran və
ABŞ Suriyada Rusiya ilə Türkiyəni bataqlığa çəkərək bir-birinə
düşmən etdilər. Suriya məsələsi Türkiyə və Rusiyanın birinci
dərəcəli məsələsi olmadığı halda, bu gün onlar müharibənin
kandarındadırlar”.
ABŞ bundan istifadə edərək Türkiyə ilə Rusiyanı müharibəyə
sürükləyəcək
H. Oktay qeyd edib ki, Rusiya üçün təyyarənin vurulması gözlənilməz
oldu: “Bu Rusiyaya çox təsir etdi. Əslində gözlənilən də Rusiyanın
təlaş içində Türkiyəyə qarşı hərəkət etməsi idi. NATO ölkəsi olan
Türkiyənin hava məkanının pozulması həm də Şimal Alyansına qarşı
atılmış addım idi. Lakin NATO-dan böyük etiraz gəlmədi və Türkiyə
təkbaşına hərəkət edirmiş kimi vəziyyətə salındı. Belə görünür ki,
NATO və ABŞ bundan istifadə edərək Türkiyə ilə Rusiyanı müharibəyə
sürükləyəcək. Beləliklə, bir daşla iki quş vuraraq, həm Rusiyadan,
həm də Türkiyədən xilas olmaq istəyirlər. Bu fikir bir çox yerdə
dilə gətirilir”.
Türkiyəli politoloq hesab edir ki, Putin və Ərdoğanı sevilməyən
lider olaraq tarix səhnəsindən silmək istəyirlər: “Rusiya bu
oyunları görmədən boş düşmənçiliklə məşğul olsa, böyük çətinlik
yaşaya bilər. Həmçinin, Rusiya yaralı aslan kimi yardım TIR-larının
vurulması, yaxud türkmanlara hücumların edilməsi kimi sağa-sola
çırpınarsa, qarşısıalınmaz problemlərlə üzləşəcək”.
Oyunu poza bilməsələr, dünya Ərdoğan və Putini tarixdən
siləcək
Politoloq əlavə edib ki, son günlər Rusiya Suriyada İranın polisi
rolunda çıxış edir.
“Rusiya Suriyada İranın istədiyi qədər hərəkət edəcək. İndi görünən
odur ki, İran Rusiya ilə Türkiyəni Suriyada savaşdırmaq istəyir.
Beləliklə, Obamanın planı həyata keçiriləcək. Ərdoğan və Putin bu
böyük oyunu pozmalıdır, əks təqdirdə, dünya Ərdoğan və Putini
tarixdən siləcək”, - deyə o bildirib.
Asif Nərimanlı
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 11:55
İlham Əliyev Almaniyada mühüm tədbirdə çıxış etdi - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO