Nida.az
XİN: Rəsmi Yerevan erməni ictimaiyyətini və diasporunu aldatmaq üçün cəfəngiyatla məşğul olur
Obyektiv reallıq hissini itirən Eduard Nalbəndyan diaspora qarşısında Ermənistanın uğursuz xarici siyasətinə və ölkəsinin təcridinin dərinləşməsinə ifrat yalan vasitəsilə çarəsiz şəkildə bəraət qazandırmağa çalışmışdır. Trend-in məlumatına görə, bunu mətbuata açıqlamasında "Ermənistan-Diaspora" Konfransında Ermənistanın xarici işlər naziri E.Nalbəndyanın söylədiklərini şərh edərkən Azərbaycan Xarici İşlər Nazirliyinin mətbuat xidmətinin rəhbəri vəzifəsini icra edən Hikmət Hacıyev deyib.
Onun sözlərinə görə, Azərbaycanın ərazi bütövlüyü, suverenliyi və beynəlxalq səviyyədə tanınmış sərhədləri və Ermənistan-Azərbaycan, Dağlıq Qarabağ münaqişənin məhz bu prinsiplər əsasında həll edilməsi beynəlxalq ictimaiyyət tərəfindən qəti şəkildə dəstəklənir.
E.Nalbəndyanın yalanlarını ifşa etmək üçün yalnız 2014-cü ilin son 9 ayı ərzində Azərbaycanın əldə etdiyi diplomatik qələbələri qeyd etmək kifayətdir. Faktlar özlüyündə hər şeyi deyir:
“4-5 sentyabr tarixlərində NATO-nun Uelsdə keçirilmiş sammitinin yekun bəyanatında NATO-nun üzv dövlətləri Azərbaycanın ərazi bütövlüyü və suverenliyinə dəstəklərini ifadə edərək, Cənubi Qafqazdakı münaqişələrin məhz bu prinsiplər əsasında həllini dəstəklədiklərini vurğulamışlar. Dövlətlərin ərazi bütövlüyü və ya siyasi müstəqilliyinə qarşı güc tətbiq etmək və ya güc tətbiq edərək hədələməyin qəbuledilməzliyi vurğulanmış və dövlətlərin beynəlxalq səviyyədə tanınmış sərhədlərinə hörmət edilməsinin vacibliyi qeyd olunmuşdur”.
H.Hacıyev bildirib ki, tez unutqanlığa varan E.Nalbəndyan və onun prezidenti S.Sarkisyan şəxsən bu toplantıda iştirak edirdilər.
18-19 iyun tarixlərində Səudiyyə Ərəbistanı Krallığının Ciddə şəhərində keçirilmiş İslam Əməkdaşlıq Təşkilatının (İƏT) Xarici işlər nazirləri şurasının Ciddə Bəyanaməsində Ermənistan-Azərbaycan Dağlıq Qarabağ münaqişəsi ilə əlaqədar Azərbaycanın ədalətli mövqeyi ilə həmrəylik ifadə olunmuş, Ermənistanın Azərbaycana qarşı təcavüzü və işğal olunmuş ərazilərimizdə tarixi və mədəni irsimizin dağıdılmasını qınayan qətnamələr qəbul edilmişdir.
28-29 may tarixlərində Qoşulmama hərəkatının Əlcəzairdə keçirilmiş XVII xarici işlər nazirləri iclasının yekununda qəbul olunmuş "Yekun Əlcəzair Sənədi"də münaqişənin BMT Təhlükəsizlik Şurasının məlum qətnamələri və Azərbaycanın ərazi bütövlüyü, suverenliyi və beynəlxalq səviyyədə tanınmış sərhədləri daxilində danışıqlar yolu ilə həlli dəstəklənmişdir.
120 dövlətin üzv olduğu Qoşulmama Hərəkatı BMT-nin Baş məclisindən sonra dünya miqyasında ən çox dövlətin təmsil olunduğu nüfuzlu beynəlxalq təsisatdır.
13 may tarixində Ər-Riyadda keçirilmiş Ərəb Dövlətləri Liqası – Mərkəzi Asiya – Azərbaycan Respublikası Əməkdaşlıq və İqtisadi Forumunun yekun bəyannaməsində Ermənistan-Azərbaycan münaqişəsinin BMT Təhlükəsizlik Şurasının qətnamələrinə uyğun olaraq suverenlik və ərazi bütövlüyü prinsipləri əsasında həllinin vacibliyi bir daha vurğulanmışdır.
Azərbaycan XİN rəsmisi bildirib ki, əvvəlki illərə qayıdaraq bu siyahını daha da genişləndirmək olar.
Onun sözlərinə görə, E.Nalbəndyanın istinad etdiyi ATƏT-in Minsk qrupunun 2009-2013-cü illər ərzində verdiyi bəyanatlarda ən vacib məqam status-kvonun qəbul edilməzliyi olmuşdur. Status-kvo isə işğal və təcavüz və onların doğurduğu fəsadlar deməkdir:
“Beynəlxalq ictimaiyyətin mövqeyini əks etdirən bu təkzibolunmaz faktların müqabilində “beynəlxalq ictimaiyyət” dedikdə görəsən Nalbəndyan kimi nəzərdə tutur? Ona görə də rəsmi Yerevan erməni ictimaiyyətini və diasporunu aldatmaq üçün cəfəngiyatla məşğul olmaqdansa, Ermənistanın kəskinləşən tənəzzülünün qarşısını almaq üçün münaqişənin həlli istiqamətində konkret addımlar atmalıdır”.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu