Dünya

Kraliça şahzadə gəlinini işləməyə məcbur edir

29 May 2015 04:10

İkinci dəfə ana olma xoşbəxtliyini yaşayan Kembric şahzadəsi Keyt Midltonla bağlı xəbərlər həftələrdir ki, gündəmdən düşmür.

Axar.az xəbər verir ki, “Stayl” jurnalının iyunun 1-də çıxacaq sayında yer alan iddiaya görə kraliça II Elizabet nəvəsinin həyat yoldaşı Midltonun tezliklə işinin başına qayıtmasını tələb edir. İddialara görə, kraliça II Elizabet mayın 2-də şahzadə Şarlotta Elizabet Diana adı verilən qızını dünyaya gətirən Midltonu analıq məzuniyyətini vaxtından əvvəl bitirib vəzifəsinin başına qayıtmağa məcbur edir. Qeyd edək ki, Keyt Midlton doğumdan sonra oğlu şahzadə Corcu və qızı şahzadə Şarlottanı da götürüb “Amber Hol”a köçüb. Ancaq belə görünür ki, kraliça Elizabet gələcəkdə böyük ehtimalla onun yerini alacaq Keytin ilk doğumunda olduğu kimi 39 gün icazəli qalmağını istəmir.