Dünya
Putin qərar verdi: Rusiya nüvə müharibəsinə hazırlaşır
Rusiya səsdən sürətli “TU-160” strateji nüvə bombardmançıların sayını üç dəfə artırmaq niyyətindədir.
Publika.az “The National Interest” nəşrinə istinadən yazıb ki, bu barədə Rusiya Hərbi Hava Qüvvələrinin komandanı general-polkovnik Viktor Bondaryev bildirib.
Məlumata görə, Rusiya hərbi aviasiyanın arsenalına ən azı 50 ədəd “TU-160” (NATO təsnifatında “Blackjack”) ağır strateji bombardmançı təyyarə daxil ediləcək. “The National Interest” yazır ki, hələ ötən ay Rusiyanın müdafiə naziri Sergey Şoyqu sovet dövrünün “TU-160” strateji bombardmançısının istehsalının bərpa olunacağını bildirib. Sözügedən bombardmançılar həm adi, həm də nüvə silahı daşımaq imkanlarına malikdir.
“Tu-160” strateji bombardmançıların istehsalının bərpa olunması hərbi aviasiyanın potensialını gücləndirəcək. Məlumata görə, hazırda Rusiya Hərbi Hava Qüvvələrinin arsenalında 15 ədəd “TU-160” var.
Bondaryev bildirib ki, “TU-160” istehsalının bərpa olunması barədə qərar Rusiya prezidenti Vladimir Putin tərəfindən qəbul edilib. Amerika nəşrinin yazdığına görə, “TU-160” strateji bombardmançıların istehsalına yenidən başlanılması barədə qərar PAK FA (Rusiyanın çoxyönümlü 5-ci nəsil qırıcı təyyarəsi) qırıcılarının istehsalının ləngiməsi ilə bağlıdır. PAK FA qırıcılarının 2020-ci ilə qədər Rusiya Hərbi Hava Qüvvələrinin arsenalına daxil edilməsi planlaşdırılırdı. Ancaq bu ayın əvvəlində Bondaryev bəyan edib ki, bu müddət üç-beş il gecikəcək. General-polkovnik Rusiya vətəndaşlarını inandırıb ki, “Tu-160” strateji bombardmançıların istehsalına yenidən başlanılması PAK FA qırıcıları üzrə işlərin dayandırılmasına gətirib çıxarmayacaq.
Rusiya hələlik “Tu-160” bombardmançıların istehsalının bərpa olunması tarixini açıqlamayıb.
“TU-160” Rusiya Hərbi Hava Qüvvələrinin nüvə silahı daşıyan yüksək sürətli strateji bombardmançı təyyarəsidir. Təyyarəni layihələşdirənlər iddia edir ki, bu hazırda dünyada mövcud olan ən böyük səsdən surətli ağır döyüş təyyarəsidir. Müdafiə naziri Sergey Şoyqu da “Tu-160”ə tərifləyərək onu bir neçə onilliyi qabaqlayan unikal təyyarə adlandırıb. Onun sözlərinə görə, bombardmançı indiyə qədər konstruktiv imkanlardan tam ölçüdə istifadə etməyib.
Ömər Dağlı
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO