ABŞ-dan ETİRAF: Bir ildir ki, Şimali Koreya ilə...

ABŞ Prezidenti Co Bayden rəhbərliyinin ötən ay Şimali Koreya ilə əlaqə yaratmağa çalışdığı, ancaq rəsmi Pxenyanın qarşı tərəfin bu cəhdinə cavab verməməsi iddiası yayılıb.

Publika.az xəbər verir ki, bu barədə adları məxfi saxlanılan ABŞ rəsmiləri "CNN" televiziyasına danışıblar.

Rəsmilər "Gərginliyin artması riskini azaltmaq üçün fevral ayının ortalarından bir çox vasitə ilə Şimali Koreya hökumətinə müraciət etməyə çalışdıq. Lakin bu günə qədər rəsmi Pxenyandan cavab almamışıq. Bu da ABŞ-ın son bir ildəki saysız təşəbbüslərinin cavabsız qalması deməkdir", - deyə qeyd ediblər.

Şimali Koreya ilə əlaqə yaratmaq cəhdləri barədə ətraflı məlumat verməyən səlahiyyətlilər Bayden rəhbərliyinin bu ölkəyə qarşı siyasətini və Kim Çen In rəhbərliyinin ABŞ-a və bölgəyə təhdidlərini nəzərdən keçirdiyini bildiriblər.

Qeyd edək ki, Pxenyan rəhbərliyinin nüvə silahları və ballistik raket proqramı ilə əlaqədar ABŞ və Şimali Koreya arasında zaman-zaman gərginlik yaşanır.

Akqabay