ABŞ

Bayden bu ölkəyə zərbələr endirməyi ƏMR ETDİ

27 Oktyabr 2023 08:00

ABŞ prezidenti Co Bayden ABŞ hərbi qüvvələrinə qarşı silsilə hücumlara cavab olaraq Suriyadakı iddia edilən İran hədəflərinə zərbələr endirmə əmr edib.

Publika.az xəbər verir ki, bu barədə Pentaqonun saytında məlumat verilib.

Vaşinqtonun məlumatına görə, zərbəyə məruz qalan iki obyekt İran İslam İnqilabı Keşikçiləri Korpusu (SEPAH) və əlaqəli qruplar tərəfindən istifadə olunur.

ABŞ hərbi departamentinin rəhbəri Lloyd Ostinin sözlərinə görə, zərbələr Fələstin-İsrail münaqişəsi ilə bağlı deyil, onlar özünümüdafiə məqsədi ilə həyata keçirilib və onlara cavab olub.

Qeyd edək ki, oktyabrın 17-də Suriya və İraqda ABŞ hərbçilərinə qarşı silsilə hücumlar başlayıb. Pentaqon hesab edir ki, İranın dəstəklədiyi təşkilatlar bu hücumlara görə məsuliyyət daşıyır.

Ostin söz verib ki, İranın dəstəklədiyi qruplar onun qoşunlarına hücum etməyə davam edərsə, ABŞ davamlı addımlar atacaq.

Hüseyn İbadlı