Məşhur amerikalı aktrisa Tramp seçildiyi üçün ölkədən qaçdı - FOTOLAR

Məşhur amerikalı aktrisa Eva Lonqoriya ailəsi ilə birlikdə ABŞ-dan köçdüyünü açıqlayıb.

Publika.az xəbər verir ki, buna səbəb bu il noyabrın 5-də Amerikada keçirilən seçkilərdə respublikaçı Donald Trampın qələbəsi olub.

Kino ulduzu bu barədə Mari Klerə müsahibəsində danışıb. Aktrisanın sözlərinə görə, o, ölkəni tərk etmək imkanı əldə etdiyi üçün taleyə minnətdardır. Lakin o, Trampın qələbəsindən sonra bütün amerikalıların gedə bilməyəcəyini anlayır və onlardan narahat olduğunu deyir.

"Mən qaçıb harasa gedə bilərəm. Əksər amerikalılar bu qaranlıq ölkədə ilişib qalacaqlar və mən onlardan narahatam", - aktrisa bildirib.

Sənətçi əslən Texasdandır, lakin o, bütün yetkin həyatını Los-Ancelesdə keçirib. İndi Eva iki ölkədə yaşayır: İspaniya və Meksika. Əri Xose Baston və 6 yaşlı oğlu Santyaqo onunla birlikdə Amerikadan ayrılıb.

"Mən bütün yetkin həyatımı Los-Ancelesdə yaşamışam. Ancaq pandemiyadan əvvəl də hər şey dəyişirdi. Atmosfer fərqli idi. Və sonra COVID baş verdi", - aktrisa etiraf edib.

Ulduz seçkinin nəticəsindən məyus olduğunu gizlətmir. O, Birləşmiş Ştatların rəhbərinin indi “bu qədər nifrət yayan” “məhkum edilmiş cinayətkar” olacağından qəzəblənir.

Yeri gəlmişkən, Lonqoriya seçki yarışı zamanı Trampın rəqibi demokrat Kamala Harrisi dəstəkləyib. Sənətçi hətta avqustda Demokratlar Partiyasının Milli Qurultayında çıxış edib.

Xatırladaq ki, aktyor Tom Henks daha əvvəl ABŞ-ı tərk edib. O, vida məktubu yazıb və orada seçkinin nəticəsindən məyus olduğunu qeyd edib.

Murad