Film kimi hadisə: Toya iki gün qalmış nişanlısını bu səbəbdən öldürdü

Amerika Birləşmiş Ştatlarında kişi nişanlısını toydan iki gün əvvəl öldürüb.

Publika.az xəbər verir ki, bu barədə “ABC News” məlumat yayıb.

Bu yolla bəy ikili həyatını gizli saxlamağa ümid edib.

Bildirilir ki, başından güllə yarası alan Molli Uotsonun cəsədi yol kənarında tərk edilmiş avtomobilin yanında tapılıb. Hadisə yerinə gələn polis əməkdaşları avtomobildə Ceyms Eddiyə məxsus nikah vəsiqəsi tapıblar.

"Hüquq-mühafizə orqanlarının əməkdaşları müəyyən ediblər ki, Ceyms və Molli 7 illik görüşdən sonra evlənmək qərarına gəliblər. Qadın bilirdi ki, onun seçdiyi adamın əvvəllər də başqa evliliklər olub. Kişinin sonuncu həyat yoldaşının adı Melani Eddi olub və o, əvvəllər avtomobil qəzasında dünyasını dəyişib", - telekanal qeyd edir.

Polis həmin şəxsin yaşadığı ünvana gələrək yol qəzasında öldüyü iddia edilən Melanini orada tapıb. Məlum olub ki, kişi uzun illərdir hər iki qadına yalan danışıb.

Həmin şəxs Molli Uotsonun qətlində günahkar bilinərək həbsxanaya göndərilib.

Tural