ABŞ-da ara qarışır: 12 ştat Trampı məhkəməyə verdi

Oreqon ştatının baş prokurorunun Kolorado, Nevada, Nyu-York və Nyu Meksiko da daxil olmaqla ümumilikdə 12 ştatın dəstəklədiyi Trampın idxal tariflərinin ləğvi ilə bağlı iddiası ABŞ Beynəlxalq Ticarət üzrə Federal Məhkəməsinə verili.

Publika.az xəbər verir ki, bu barədə ABŞ mətbuatı məlumat yayıb.

Dövlət başçısından başqa, iddiada cavabdeh qismində Daxili Təhlükəsizlik katibi Kristi Noem və Gömrük və Sərhəd Mühafizəsi Komissarının səlahiyyətlərini icra edən Peter Floresin adları çəkilir. İddiaya görə, Trampın tariflər, onların tətbiqi, dəyişdirilməsi, artırılması və dayandırılması ilə bağlı qərarları "ölkənin ticarət siyasətinin vəziyyətini əks etdirmir, prezidentin şıltaqlığından asılıdır" və onun səlahiyyətlərinin effektiv şəkildə həyata keçirilməsinə əsaslanmır.

"Prezident konstitusiya quruluşunu pozdu və Amerika iqtisadiyyatına xaos gətirdi", - məhkəməyə müraciət müəllifləri hesab edirlər. Onlar həmçinin hesab edirlər ki, Tramp Vaşinqtonun tarif siyasətini dəyişmək üçün əsassız olaraq fövqəladə vəziyyət elan edib.

Tural