ABŞ

5 yaşlı uşaq cəsarəti ilə hamını heyran etdi - Film kimi hadisə

25 Noyabr 2025 17:45

ABŞ-da beş yaşlı uşaq polisə cinayətkarı tutmaqda kömək edib.

Publika.az xəbər verir ki, hadisə Ohayo ştatının Qrov Siti şəhərində baş verib.

Cinayəti törədən 20 yaşlı Şalik Binq və onun əlaltıları yerli sakin Çeysiti Uorrikin yardım aldığı ərzaq bankına yaxınlaşıblar. Onun yanında üç övladı olub. Binq qəfildən qadının üzünə yumruq vurub, açarları alıb və avtomobili oğurlamağa cəhd edib.

Uşaqlar dərhal onu təqib ediblər. Beş yaşlı Adrian anasını vuran oğrunu avtomobilə minməmişdən tutub. O, Binqi dayandıraraq maşının açarlarını ondan alıb və anasına qaytarıb. Bundan sonra polis cinayətkarı həbs edib.

Polis leytenantı Ceyson Stern bildirib ki, uşaqların cinayətkarları təqib etməməsi lazım olsa da, Adrianın cəsarətli hərəkətinə heyran qalıblar: “Balaca uşağın cinayətkara ‘bu mənim anamdır, onu incidə bilməzsən’ dediyini görəndə onların cəsarətinə heyran qaldım”.

Adəm