ABŞ İranda hədəfləri görün necə seçir - ŞOK DETALLAR

Birləşmiş Ştatlar İrana qarşı əməliyyatda hədəfləri "Palantir" hərbi şirkəti tərəfindən hazırlanmış "Claude" süni intellektinin köməyi ilə seçir.

Publika.az xəbər verir ki, bBu barədə "Washington Post" məlumat yayıb.

Qeyd olunub ki, süni intellektin qabaqcıl texnologiyaları İrandakı hədəfləri aşkar edir, onların prioritetliyini sürətlə müəyyənləşdirir və beləliklə, ABŞ və İsrail qüvvələri tərəfindən həyata keçirilən genişmiqyaslı hərbi əməliyyatlara dəstək verir.

Məlumata görə, ABŞ əməliyyatların hazırlanması zamanı "yüzlərlə hədəf"in və onların koordinatlarının təyin edilməsi, habelə həmin hədəflərin əhəmiyyət dərəcəsinə görə siyahılarının formalaşdırılması üçün artıq bu platformadan istifadə edib.

Sistemlə tanış olan mənbələrin bildirdiyinə görə, süni intellekt peyklərdən və digər kəşfiyyat əməliyyatları zamanı aparılan müşahidələrdən əldə edilən böyük həcmli məxfi məlumatlardan dəyərli informasiya çıxarmağa imkan verir. Bu isə real vaxt rejimində hədəfə tuşlamanı və hədəflərin prioritetləşdirilməsini təmin etməyə kömək edir.

Bundan əvvəl ABŞ-ın müdafiə naziri Pit Heqset "Anthropic" şirkətinin baş direktoru Dario Amodeini Pentaqona çağırmışdı. Görüşün məqsədi rəsmən açıqlanmasa da, Qərb mediası ABŞ Müharibə Nazirliyinin hərbi əməliyyatlar üçün qabaqcıl süni intellekt sistemlərinin tətbiqi imkanlarını araşdırmağa davam etdiyini xəbər vermişdi.

Hüseyn İbadlı