ABŞ

Tramp İranı öz məktəbinə hücumda günahlandırdı

8 Mart 2026 03:43

Minabdakı qızlar məktəbinin atəşə tutulmasında İran günahkardır.

Publika.az xəbər verir ki, bu barədə ABŞ Prezidenti Donald Tramp "Air Force One" göyərtəsində jurnalistlərlə söhbəti zamanı bildirib.

"Gördüklərimə əsasən deyə bilərəm ki, bunu İran edib. Biz belə düşünürük ki, bunu İran edib. Onlar öz hərbi sursatlarından istifadə edərkən çox qeyri-dəqiqdirlər", - deyə Amerika lideri bildirib.

Trampın sözlərini Pentaqon rəhbəri Pit Heqset də təsdiqləyib. Onun sözlərinə görə, İran mülki əhalini hədəf alan yeganə tərəfdir.

Fevralın 28-də İranın Minab şəhərindəki qızlar üçün ibtidai məktəbə zərbə endirilib və nəticədə 175 nəfər həlak olub. İlkin ehtimallara görə, zərbəni ABŞ Silahlı Qüvvələri endirə bilərdi. "The New York Times" qəzetinin məlumatına görə, Amerika hərbçiləri hədəfi səhv müəyyənləşdirdikləri üçün məktəbə yanlışlıqla hücum etmiş ola bilərlər.

Hüseyn İbadlı