“O, uzun müddət hakimiyyətdə qalmayacaq” - Tramp yeni ali lideri hədələdi

ABŞ Prezidenti Donald Tramp bildirib ki, İranın yeni ali lideri vəzifəsinə namizəd Vaşinqtonla razılaşdırılmalıdır, əks halda həmin şəxs uzun müddət hakimiyyətdə qalmayacaq.

Publika.az xəbər verir ki, Ağ Ev rəhbəri bu tələbi “ABC News”a verdiyi müsahibəsində səsləndirib.

İranın Ekspertlər Məclisi artıq yeni dövlət başçısı seçib, lakin hələlik onun adını açıqlamayıb. Lakin məclis üzvləri ölkəni İranın öldürülmüş ali lideri Əli Xameneinin oğlu Ayətullah Müctəba Xamenei idarə edəcəyinə işarə edirlər.

"O, bizim təsdiqimizi almalı olacaq. Əgər təsdiqimizi almasa, uzun sürməyəcək. Biz hər on ildən bir buna qayıtmamağımıza əmin olmaq istəyirik”, - deyə amerikalı lider bildirib.

O, namizədin hazırkı İran hakimiyyəti ilə əlaqəli ola biləcəyini və "bu rol üçün çoxlu uyğun insan olduğunu" etiraf edib. Lakin, 6 martda Tramp CNN-ə verdiyi müsahibədə bildirib ki, “Mən İranın yenidən dini liderin rəhbərliyi altında olmasına qarşı deyiləm”.

Tramp əlavə edib ki, “Bizə ədalətli və dürüst bir lider lazımdır. O, əla iş görəcək. O, ABŞ və İsrailə , eləcə də Yaxın Şərqdəki digər ölkələrə yaxşı münasibət göstərəcək - hamısı bizim tərəfdaşlarımızdır".

İranın xarici işlər naziri Abbas Əraqçi Trampın açıqlamalarına cavab olaraq ”NBC News“a verdiyi müsahibədə bildirib ki, Respublikanın ali liderinin seçilməsi ölkənin daxili işidir, heç kimin müdaxilə etməməsi lazımdır.

İran xarici işlər naziri əmin edib ki, "Müvəqqəti Liderlik Şurası hazırda hakimiyyətdədir və onlar öz funksiyalarını liderin olmadığı müddətdə yerinə yetirirlər, yeni Ali Lider isə tezliklə ekspertlər şurası tərəfindən seçiləcək".

İsrail hakimiyyəti İranın hazırkı rəhbərliyi tərəfindən seçilmiş yeni ali lideri birbaşa sui-qəsdlə hədələyir. İsrailin müdafiə naziri İsrael Katz “X” sosial media platformasında bildirib ki, qeyd-şərtsiz hədəf "İsraili məhv etmək, ABŞ-ı, azad dünyanı, Yaxın Şərq ölkələrini təhdid etmək və İran xalqını boğmaq planını davam etdirmək" üçün təyin ediləcək dövlət başçısı olacaq.

İyunun 6-da "The New York Times" qəzeti iki İran rəsmisinə istinadlarespublikanın yeni rəhbərinin təyinatının təhlükəsizlik səbəblərindən təxirə salındığını yazıb .

Ekspertlər Şurasının üzvü Ayətullah Məhəmməd Mehdi Mirbağeri “Mehr” xəbər agentliyinə bildirib ki, məclis artıq İranın yeni ali lideri seçib.

"Əksəriyyətin fikrini təmsil edən qəti və yekdil bir fikir formalaşıb"
— deyə şura nümayəndəsi elan etdi.

O əlavə edib ki, seçki orqanı hələ də bəzi kiçik maneələrlə üzləşir və bu maneələr tezliklə aradan qaldırılacaq. Lakin şura hələlik İranın yeni liderinin adını açıqlamayıb; assambleya katibliyi bunu daha sonra açıqlayacaq.

Namizəd İranın keçmiş ali lideri Əli Xameneinin məsləhəti əsasında seçilib.

“Ölkə başçısı düşmən tərəfindən təriflənməməli, nifrət edilməlidir”, - “Nournews”un məlumatına görə, bu barədə Şuranın digər nümayəndəsi Ayətullah Möhsün Heydəri Əlqasir məlumat verib. Ruhani əlavə edib ki, bu şəxsin adı Amerika hakimiyyəti tərəfindən çəkilib.

Əl-Cəzirə telekanalının məlumatına görə, ABŞ prezidenti Donald Tramp əvvəllər sui-qəsd nəticəsində öldürülən dövlət başçısının oğlu Müctəba Xameneini İranın Ali Lideri vəzifəsi üçün "qəbuledilməz seçim" hesab etdiyini bildirmişdi.

Məclisin digər üzvü Hocatöleslam Cəfəri “Fars” xəbər agentliyinə bildirib ki, yeni liderin şəxsiyyətinin "bütün iranlıları məmnun edəcəyinə" ümid edir.

Fransanın "Le Monde" qəzeti də şura üzvünə istinadla xəbər verir ki, Müctəba Xamenei İranın yeni lideri seçilib. Bundan əlavə, assambleyanın adı açıqlanmayan nümayəndəsi "Əl-Hədət" televiziyasına bildirib ki,"Xamneyinin soyadı yeni ali liderdə qalacaq".

Hüseyn İbadlı