ABŞ

Tramp onları araşdırmağa başladı: Növbəti prezident kim olacaq?

10 Mart 2026 15:09

ABŞ prezidenti Donald Tramp Respublikaçılar Partiyası daxilində prezidentliyə potensial varisləri nəzərdən keçirməyə başlayıb.

Publika.az xəbər verir ki, bu barədə “The Wall Street Journal” ABŞ liderinə yaxın mənbələrə istinadla məlumat yayıb.

Nəşr qeyd edir ki, Tramp məsləhətçilər, donorlar və tərəfdarlarla gələcək liderlik variantlarını fəal şəkildə müzakirə edir, onların güclü və zəif tərəflərini qiymətləndirir. Potensial namizədlər arasında vitse-prezident Cey Di Vens və dövlət katibi Marko Rubio da var.

WSJ vurğulayır ki, Rubio İran və ABŞ-ın Yaxın Şərqdəki müttəfiqləri ilə bağlı məsələlər də daxil olmaqla, xarici siyasət və diplomatiya üçün daha təcrübəli seçim kimi qəbul edilir.

Vens, əksinə, MAGA hərəkatı (Amerikanı Yenidən Böyük Edək) tərəfdarları və seçicilərin daha mühafizəkar hissəsi arasında populyardır və bu da onu partiyadaxili dəstək baxımından cəlbedici edir.

Nəşr yazır: "Biz hər bir namizədə yalnız gələcək lider kimi deyil, həm də partiyanın uzunmüddətli strategiyasının bir hissəsi kimi baxırıq".

Varis barədə rəsmi açıqlama olmasa da, Tramp açıq şəkildə partiyanın gələcək rəhbərliyinin formalaşmasına təsir göstərməyə çalışır, strateji addımları nəzərdən keçirir və fərdi şəxsləri dəstəkləyir.

Adəm