Trampın reytinqi kəskin düşür - Səbəbləri...

ABŞ prezidenti Donald Tramp ölkə vətəndaşları arasında dəstəyini itirməkdədir.

Publika.az xəbər verir ki, son rəy sorğusuna əsasən, qeydiyyatdan keçmiş seçicilər arasında onun fəaliyyətini bəyənmə dərəcəsi 44 faizə düşüb ki, bu da 2025-ci ilin mart ayı ilə müqayisədə üç bənd aşağıdır.

Narazıların sayı isə əksinə, artaraq 54 faizə çatıb. Son aylarda Tramp immiqrasiya siyasətindən tutmuş Ceffri Epşteynin qalmaqallı fayllarının dərci və İranla uzanan münaqişəyə qədər bir neçə problem səbəbindən mənfi reaksiya ilə üzləşib.

"Decision Desk HQ"nun orta göstəriciləri də rəqəmlərin o qədər də ürəkaçan olmadığını göstərir: ABŞ prezidentinin fəaliyyətini 43,1 faiz bəyəndiyi halda, 54,4 faiz bəyənmir. Ağ Ev üçün xüsusilə əsas istiqamətlər üzrə göstəricilər narahatlıq doğurur. Trampın sərhəd təhlükəsizliyinin təmin edilməsi sahəsindəki işini 53 faiz bəyənsə də, ümumilikdə immiqrasiya sahəsində bu rəqəm cəmi 44 faizdir. ABŞ-ın hazırda tammiqyaslı hərbi kampaniya apardığı İrandakı fəaliyyətini isə respondentlərin yalnız 41 faizi dəstəkləyir. Prezidentin özü də son bəyanatlarından göründüyü kimi, artıq ən pis ssenariyə hazırlaşır.

"Prezidentlər, istər respublikaçı olsun, istərsə də demokrat, qalib gəldikdə bunun heç bir əhəmiyyəti yoxdur. Belə görünür ki, onlar aralıq seçkilərini uduzurlar", - deyən ABŞ lideri bu ənənəni dəyişməyə ümid etdiyini bildirib.

Adəm