Ukraynaya 100 raket atıldı, Zelenski XALQA SƏSLƏNDİ: "Yalvarıram..."

Ukrayna prezidenti Volodimir Zelenski Rusiyanın Ukraynaya kütləvi raket hücumuna reaksiya verib.

Publika.az xəbər verir ki, ölkə başçısının müvafiq videomüraciəti sosial şəbəkələrdə yayımlayıb.

Onun sözlərinə görə, artıq Ukraynaya 80-dən çox raket atılıb - onların əksəriyyəti enerji infrastrukturunu hədəf alıb.

"Düşmənin nə istədiyi aydındır. O, məqsədinə çatmayacaq", - prezident vurğulayıb.

Zelenski əlavə edib ki, ölkə daxilinə daha 20-yə yaxın raket hücumu ola bilər.

"Ona görə də yalvarıram: özünüzə yaxşı baxın və bir müddət sığınacaqlarda qalın. Bilirəm ki, hücumlar bir çox şəhərlərdə elektrik enerjisini kəsdi. Çalışırıq, hər şeyi bərpa edəcəyik, hər şeydən sağ çıxacağıq", - o vurğulayıb.

Dövlət başçısı vətəndaşlara müraciətini “Ukraynaya şöhrət” və “Afərin sizə” sözləri ilə yekunlaşdırıb.

Qeyd edək ki, bu gün Rusiya Ukraynaya geniş raket hücumu həyata keçirir. Ukrayna Silahlı Qüvvələrinin Hərbi Hava Qüvvələri işğalçıların Ukraynaya 100 raket atdığını bəyan edib.

Hüseyn İbadlı