Avro dollar qarşısında rekord həddə BAHALAŞDI

Aprelin 13-də beynəlxalq bazarda keçirilən ticarət zamanı avronun dollara qarşı məzənnəsi 2022-ci il martın 1-də maksimumunu yeniləyib.

Publika.az "Investing"ə istinadla xəbər verir ki, gün ərzində Avropa valyutası 0,6 faiz artaraq 1,1068 dollarla ən yüksək nöqtəyə çatıb .

Materialın dərci zamanı Avropa valyutası 1,105 dollara ticarət olunurdu. Avro 2021-ci ilin mayında ucuzlaşdıqdan sonra son 7 ay ərzində ABŞ valyutası qarşısında möhkəmlənir.

"Bloomberg" yazır ki , belə dinamika ABŞ-ın Federal Ehtiyatlar Sisteminin (FES) monetar siyasətinin sərtləşdirilməsinin yavaşlaması və əksinə, Avropa Mərkəzi Bankının (AMB) pul siyasətinin daha aqressiv tempinin davam etməsi ilə bağlıdır.

Həmçinin, ABŞ valyutası İstehsalçı Qiymətləri İndeksinin və ABŞ-da ilkin işsizlik iddiaları ilə bağlı məlumatların dərcindən sonra günün ortasında enişini sürətləndirdi. Aprelin 7-də bitən həftədə müavinət almaq üçün ilk dəfə müraciət edən amerikalıların sayı analitiklərin proqnozlarını üstələyib - gözlənilən 232 000-ə qarşı 239 000.

Martın 16-da AMB üç əsas faiz dərəcəsini 50 baza bəndi artırmaq qərarına gəlib: baza faiz dərəcəsi 3,5 faizə, depozitlər üzrə faiz dərəcəsi 3 faizə qədər, AMB-nin qısamüddətli kreditləri üzrə 3,75 faizədək artırılıb

Hüseyn İbadlı