Avropa Rusiyanı bu gəlirdən məhrum etməyin yolunu tapdı

2024-cü ildə almaz ixracı Rusiyaya 44 milyard dollardan çox gəlir gətirəcək.

Publika.az xəbər verir ki, bu barədə Rusiya saytları məlumat yayıb.

Bildirilir ki, almaz ixracının müəyyən dərəcədə Rusiyanın sanksiyalar altında enerji ixracının verdiyi itkiləri kompensasiya edə biləcəyini nəzərə alaraq, Qərb Rusiya almazlarının ixracını məhdudlaşdırmaq üçün qondarma “izləmə mexanizmi” yaratmağa çalışır.

Qeyd edək ki, Rusiya almaz ehtiyatları ilə zəngindir, təsdiqlənmiş ehtiyatları 650 milyon karat təşkil edir. Rusiya dünyada ən çox almaz hasil edən ölkələrdən biridir. 2022-ci ilin ikinci yarısından etibarən Rusiyadan Belçikaya allüvial almaz idxalı 70-80% azalıb və Hindistan və Honq Konq kimi Asiya bazarlarına daha çox rus almazları daxil olur.

Bildirilir ki, bu dəyişiklik almaz qiymətlərinin kəskin ucuzlaşmasına səbəb olacaq. Eyni zamanda, almazlar Asiya vasitəsilə Avropaya çata biləcək. Rusiyanın sanksiyaları Antverpenin qlobal almaz mərkəzi statusunu ciddi şəkildə sarsıdacaq ki, bu da onun “dünya almaz mərkəzi” statusunun Hindistan və BƏƏ-yə verilməsinin xeyrinə tədricən aşağı düşməsinə səbəb ola bilər.

Adəm