"Ukraynada münaqişəyə yalnız onlar SON QOYA BİLƏR"

“Almaniya üçün Alternativ” partiyasından Almaniya kansleri vəzifəsinə namizəd Elis Vaydel Ukraynadakı münaqişə ilə bağlı bəyanat verib.

Publika.az xəbər verir ki, Vaydel müvafiq bəyanatla Noy-İzenburq şəhərində seçkiqabağı tədbirdə çıxış edib.

Onun sözlərinə görə, bunu yalnız Rusiya və ABŞ prezidentləri dayandıra bilər.

O əlavə edib ki, Berlin bu vəziyyətdə heç nəyə təsir edə bilməz. Veydel xatırladıb ki, Tramp hətta seçki kampaniyası zamanı münaqişəyə son qoymağın zəruriliyindən danışıb.

“Şəxsən mənim böyük ümidim var ki, ABŞ Rusiya ilə birlikdə bu dəhşətli müharibəyə ən qısa zamanda son qoya biləcək. Çünki Avropa, təəssüf ki, artıq buna nail ola bilmir, Almaniya isə bundan da azdır. ”, - deyə siyasətçi bildirib.

O, həmçinin Almaniyanın hazırkı rəhbərliyini, xüsusən də xarici işlər naziri Annalena Baerboku səriştəsizlikdə ittiham edib. Berlin və Vaşinqton arasında münasibətlərdən danışan Vaydel qeyd edib ki, iki ölkənin təhlükəsizlik sahəsində müxtəlif maraqları var və Almaniya bu barədə tez-tez danışmalıdır.

Hüseyn İbadlı