Avropa liderləri ABŞ-dan Ukrayna ilə bağlı görün nə tələb edirlər - Şok plan

Avropa liderləri Ukraynaya sülhməramlı kontingentin göndərilməsi üçün ABŞ-ın dəstəyini tələb edəcəklər.

Publika.az xəbər verir ki, bu barədə "The Times" qəzeti Britaniya hökumətindəki mənbəyə istinadən yazır.

Məqalədə deyilir: “Münaqişədən sonra belə bir proses Donald Trampın dəstəyini və təhlükəsizlik zəmanətlərini tələb edəcək”.

Qəzetin mənbəsi iddia edir ki, avropalı nazirlər ABŞ-dan hava hücumundan müdafiə sistemləri və kəşfiyyat texnologiyaları ilə təminat yolu ilə "hava örtüyü" təmin etməyi xahiş ediblər.

“Əgər ABŞ bunu dəstəkləməzsə, bu ideya ölüdür”, - o əlavə edib.

Daha əvvəl “Politico” qəzeti avropalı rəsmiyə istinadən xəbər vermişdi ki, Fransa və Britaniya atəşkəs olacağı təqdirdə təhlükəsizliyi təmin etmək üçün Ukraynaya qoşun yeritməyi planlaşdırmağa başlayıblar.

Ötən gün o da məlum olub ki, Almaniya və bir sıra digər Avropa ölkələri münaqişə bitdikdən sonra Ukraynaya “sülhməramlı missiya” göndərmək təklifinə qarşıdır. Böyük Britaniya, Fransa və Skandinaviya ölkələrinin bunu dəstəklədiyi qeyd edilir. Lakin Almaniya və digərləri buna qarşıdır.

Akqabay