Zelenski Rusiya ilə yeni məhbus mübadiləsini TƏSDİQLƏDİ

Rusiya və Ukrayna yeni hərbi əsir mübadiləsi həyata keçirib.

Publika.az xəbər verir ki, bu barədə Ukrayna Prezidenti Volodimir Zelenski "Telegram" kanalında məlumat verib.

"İstanbulda razılaşdırıldığı kimi xalqımızın geri qaytarılmasını davam etdiririk. Bu gün ağır yaralı və yaralı əsgərlərimizin Rusiya əsirliyindən qayıtmasının birinci mərhələsidir. Onların hamısının təcili tibbi yardıma ehtiyacı var.", - deyə o, bunu mühüm humanitar akt adlandırıb.

Zelenski qeyd edib ki, məhbuslar artıq Ukraynaya qayıdıblar. Onların arasında Ukrayna Müdafiə və Təhlükəsizlik Qüvvələrinin, Ukrayna Silahlı Qüvvələrinin, Milli Qvardiyanın, sərhəd xidmətinin və xüsusi nəqliyyat xidmətinin hərbçiləri var.

"Mübadilələr davam etməlidir. Ukrayna hakimiyyəti hər kəsi əsirlikdən tapmaq və geri qaytarmaq üçün hər şeyi edir", - ölkə prezidenti əlavə edib.

Bundan əvvəl Rusiya Müdafiə Nazirliyi Rusiya hərbçilərinin ikinci qrupunun Ukrayna ərazisindən geri qayıtması barədə məlumat yayıb .

İyunun 9-da 25 yaşadək hərbi qulluqçuların birinci qrupu dəyişdirilib.

Hüseyn İbadlı