ABŞ kursunu dəyişdi: İşğal edilməsi ən çətin olan ölkələr açıqlandı - SİYAHI

ABŞ-ın Venesuelaya hərbi müdaxiləsi sonrası işğal edilməsi ən çətin ölkələr müzakirə mövzusu olub. Analizlər göstərir ki, ölkələrin coğrafi mövqeyi, əhalinin dirəniş potensialı və hərbi gücü işğal çətinliyini müəyyən edir.

Publika.az xəbər verir ki, "Haber7" bu detalları nəzərə alaraq siyahı tərtib edib.

İşğal edilməsi ən çətin ilk 10 ölkə

1. ABŞ - Geniş əraziyə malikdir, okeanlarla əhatə olunub, dünyanın ən böyük müdafiə büdcəsinə sahibdir və qlobal hərbi baza şəbəkəsi var.

2. Çin - Dağlıq və sıx məskunlaşmış bölgələrə malikdir. Həmçinin böyük orduya, hipersəsli silahlara və güclü iqtisadiyyata sahibdir.

3. Rusiya - Geniş coğrafiyası var, əhali partizan müharibəsinə meyllidir və güclü nüvə arsenalına malikdir.

4. İsveçrə - Alp dağları sayəsində təbii müdafiə üstünlüyünə malikdir, cəmiyyətdə müqavimət ruhu güclüdür və neytral siyasət yürüdür.

5. Hindistan - 1,4 milyardlıq əhali, böyük ordu, nüvə silahları və Himalay dağlarının yaratdığı sərt coğrafiya onu işğal edilməsi ən çətin ölkə edir.

6. Türkiyə - Yüksək daxili müqavimət potensialı var, yerli müdafiə sənayesi inkişaf edib (Bayraktar, Hisar, Altay) və NATO üzvüdür.

7. İran - Strateji boğazlara və Fars körfəzinə nəzarət edir, həmçinin güclü yerli müdafiə sənayesinə malikdir.

8. Şimali Koreya - Cəmiyyət ciddi şəkildə hərbiləşdirilib, geniş yeraltı müdafiə infrastrukturu və qısa mənzilli nüvə silahları var.

9. Yaponiya - Ada dövləti olduğu üçün dənizdən müdafiəsi güclüdür, yüksək texnologiyaya malikdir və ABŞ-la hərbi ittifaqdadır.

10. Birləşmiş Krallıq - Sahil müdafiəsi güclüdür, sivil müdafiə infrastrukturu inkişaf edib və nüvə silahlı donanmaya malikdir.

Bundan başqa, İsrail, Pakistan, Braziliya, İndoneziya, Vyetnam, Polşa, Meksika, Kanada, Səudiyyə Ərəbistanı, Avstraliya, Ukrayna, Yunanıstan, Norveç, Misir, Cənubi Afrika, Argentina və Kolumbiya da işğalı çətin olan ölkələr sırasında göstərilir.

Publika.az