Region

Ermənilərin köçü: Bu ölkə liderdir

12 Yanvar 2026 13:54

Rusiya ermənilərin Ermənistana repatriasiyasına görə birinci yerdədir.

Publika.az xəbər verir ki, bu barədə bazar ertəsi keçirilən mətbuat konfransında Ermənistanın Diaspora İşləri üzrə Ali Komissarı Zare Sinanyan bildirib.

Sinanyan izah edib ki, “Rusiya bu baxımdan həmişə lider olub, çünki orada çoxlu sayda həmvətənimiz var və onlar həm coğrafi, həm də mənəvi cəhətdən daha yaxındırlar".

Onun sözlərinə görə, köç edənlərin sayına görə ikinci yerdə Yaxın Şərq, xüsusən də Suriya, Livan və İran qərarlaşıb. Üçüncü qrupa ABŞ, Fransa, Argentina və Avstraliya daxildir.

Sinanyan həmçinin qeyd edib ki, repatriasiya nisbətləri 2025-ci ildə sabit qalıb. Lakin ermənilərin vətənlərinə ən böyük axını Ukrayna böhranı fonunda - 2022-2023-cü illərdə baş verib.

Tural