Rekord: Avropada insanlar ömürlərinin bu qədərini işləyir

2024-cü ildə Aİ sakinləri üçün gözlənilən orta iş ömür uzunluğu 37,2 ilə rekord həddə çatıb və 2022-ci ildən bəri sürətlə artır - 1,3 il.

Publika.az xəbər veri ki, bu barədə "Eurostat" məlumat yayıb.

Qeyd olunur ki, işləmə müddəti insanın ilk iş yerindən təqaüdə çıxmasına və ya ölümünə qədər əmək bazarında qaldığı müddətdir.

"2024-cü ildə Aİ-də 15 və daha yuxarı yaşda olan insanlar üçün gözlənilən orta iş ömrü 37,2 il təşkil edib", - deyə "Eurostat" yazır.

Statistika agentliyi qeyd edir ki, orta əmək ömür uzunluğu 2022-ci ildən bəri sürətlə - son üç ildə 1,3 il artıb. 2014-2021-ci illərdə də eyni sayda artıb.

Göstərici Aİ-də əhəmiyyətli dərəcədə dəyişir. Altı Aİ ölkəsində 40-dan başlayır: Niderland (43,8 yaş), İsveç (43), Danimarka (42,5), Estoniya (41,4), İrlandiya (40,4) və Almaniyada (40). Bunun əksinə olaraq, ən qısa iş ömrü Rumıniyada (32,7 il), İtaliyada (32,8), həmçinin Xorvatiya, Yunanıstan və Bolqarıstanda (hər biri 34,8 il) qeydə alınıb.

"Eurostat" qeyd edib ki, kişilər üçün Aİ-də orta iş ömrü 39,2 il olub. Ən yüksək göstərici Niderlandda (45,7 yaş), Danimarkada (44,2) və İsveçdə (40 yaş), ən aşağı göstərici isə Rumıniyada (35,9), Xorvatiya və Bolqarıstanda (hər biri 36 yaş) qeydə alınıb.

Aİ-də qadınlar üçün orta iş ömür müddəti 35 il olub. Müvafiq olaraq, ən uzun müddət Estoniyada (42,2 il), ikinci yerdə İsveç (42 il) və Niderlandda (41,8 il) qeydə alınıb. "Eurostat" qadınlar üçün ən qısa iş ömrünü İtaliyada (28,2 il), Rumıniyada (29,2 il) və Yunanıstanda (31,1 il) qeyd edib.

Adəm