SOCAR-ın BU TƏRƏFDAŞI Monteneqroda bank açır
Bizi izləyin

Banklar

SOCAR-ın BU TƏRƏFDAŞI Monteneqroda bank açır

"Azerbaijan Global Investments" şirkəti Monteneqroda (Çernoqoriya) "Azmont Investments" şirkətilə birgə bank yaradacaq.

Publika.az-ın xəbərinə görə, "marja.az" saytı Monteneqro mətbuatına istinadən bildirir ki, "Azmont Investments" bankın təsisçisi olacaq. Banka lisenziya alınması üçün Monteneqro Mərkəzi Bankına müraciət etmək qərara alınıb.

"Azerbaijan Global Investments"in (AGİ) əsas məqsədi Azərbaycanın hüdudlarından kənarda qeyri-neft sahələrində investisiya layihələrinin hazırlanması və həyata keçirilməsidir.

SOCAR-ın törəmə şirkəti olan "Azmont Investments" şirkəti Monteneqroda truzim-kurot mərkəzi tikir. Məlumata görə, SOCAR bütün işləri "Azerbaijan Global Investments" şirkətinə ötürüb.

Qeyd edək ki, bir neçə gün öncə SOCAR Monteneqroda bank açması barədə xəbəri təkzib etmişdi. Şirkətin vitse-prezidenti Süleyman Qasımov bildirmişdi ki, SOCAR-ın Monteneqroda heç bir aktivi yoxdur: "SOCAR-ın Monteneqroda nə bankı, nə də istirahət mərkəzi var".

S.Qasımov əlavə etmişdi ki, SOCAR tərəfindən 2011-ci ildə alınan Kumbor adasındakı turizm-kurort kompleksi "tərəfdaşlara verilib".

"Yaxın vaxtlarda tərəfdaşın adı açıqlanacaq", - deyə vitse-prezident bildirmişdi. İndi məlum olur ki, həmin tərəfdaş "Azerbaijan Global Investments" şirkətidir.

SOCAR 2012-ci ildə Monteneqronun Kumbor ərazisindəki “Orijen Battalion” hərbi bazasını istirahət mərkəzinə çevirməsi üçün icarəyə götürüb. Turizm-kurort kompleksinin dəyəri 281,2 mln. dollar həcmində qiymətləndirilir. Layihəni SOCAR-ın törəmə şirkəti olan "Azmont Investments" reallaşdırır.

Onu da əlavə edək ki, SOCAR Monteneqronun qazlaşdırılmasında iştirak edə bilər.

Oxumağa davam et
Reklam
Reklam

Gündəm