Vaxtı keçmiş kreditlər artıb
Bizi izləyin

Banklar

Vaxtı keçmiş kreditlər artıb

Bu il may ayının birinə banklar tərəfindən 18758,7 milyon manat kredit verilib. Bu da əvvəlki ayla müqayisədə azdır. Belə ki, martda kreditləşmə 19687,0 milyon manat olub.

Publika.az xəbər verir ki, hesabat dövründə kredit qoyuluşlarında vaxtı keçmiş kreditlərin həcmi artıb. Hesabat dövrünə bu rəqəm 1 mlrd. 381,3 mln. manat təşkil edib. Bu da illik müqayisədə 124,7 mln. manat və ya 9,92% çoxdur. Mart ayı ilə müqayisədə apreldə problemli kreditlərin həcmi 54,8 mln. manat ( 4,13%) artıb.

Hesabat dövründə milli valyutada 9 mlrd. 723,1 mln. manatlıq kredit verilib ki, bunun da 726,2 mln. manatının və ya 7,47%-nin ödəmə vaxtı gecikib. Xarici valyutada 9 mlrd. 35,6 mln. manatlıq kredit verilib. Xarici valyutada problemli kreditlərin həcmi 655,1 mln. manat olub.

İqtisadiyyat şöbəsi

Oxumağa davam et
Reklam
Reklam

Gündəm