Problemli kreditlərin həcmi artıqca banklar bu yola əl atırlar - VİDEO

Problemli kreditlərin sayının artdığı bir vaxtda banklar borcunu ödəməyənlərdən çox, 1-2 aylıq gecikmə ilə ödəyənlərin üstünə düşüblər.

Nəzakət Əliyevanın sözlərinə görə, əmək haqqısının gecikməsi səbəbi ilə kreditinin aylıq ödənişini vaxtında edə bilmir. İkinci devalivasiyadan sonra bir neçə dəfə gecikməsi olsa da yığılan ayların pulunu faizi ilə birlikdə ödəyib. Bankı isə vəziyyətdən xəbərdar edib.

Mütəxəssislərə görə, problemli kreditlərin sayı artığından banklar yeni üsula əl atıblar. İşi məhkəməyə gedən müştəridən gələn gəlir banka sərf etmədiyindən ödəmə qabiliyyəti normal olan və bu vaxta qədər digərləri ilə müqayisədə borcunu ödəyənləri daha çox sıxışdırırlar.

Ekspert Anar Ramazanovun sözlərinə görə, aylıq geri ödəmə daha çox sərf etdiyindən banklar ödəmə qabiliyyəti olan müştərilər üzərində iş aparırlar.

Qanunvericiliyə görə isə bu kimi məsələlər məhkəmə yolu ilə həll edilməlidir. Daha dəqiq desək, bank işçisinin rəsmi məktubdan iki gün sonra vətəndaşın qeydiyyatrda olduğu ünvana gəlməsi qeyri-qanunidir.