"Unibank" 3-cü rübü də mənfəətlə başa vurub

“Unibank” KB ASC 2018-ci ilin üçüncü rübünü də müsbət göstəricilərlə başa vurub. Bir çox sahələrdə inkişafa imza atan bank, ilin əvvəlindən bu yana 34 milyon manat mənfəət əldə edib. Üçüncü rüb ərzində ayrı- ayrı göstəricilər üzrə nəzərəçarpacaq artımlar qeydə alınıb. Hesabat dövründə bankın cəmi balans kapitalı 14,7 milyon manat (17%) artıb.

İlin əvvəlindən başlayan müsbət inkişaf meylləri, iyul-avqust-sentyabr ayları ərzində də davam edib. Hesabat dövrünə Unibankda əksər sahələr üzrə - kreditləşmə və qeyri-kredit məhsulları, rəqəmsal bankçılıq sahəsində də nəzərəçarpacaq artım qeydə alınıb.

Üçüncü rüb ərzində aktiv kreditləşmə müşahidə olunub. Rüb ərzində müştərilərə verilmiş kreditlər 28 milyon manat ( 7%) artaraq, xalis kredit portfeli 400 milyon manata çatıb. Ölkəmizdə sahibkarlığın inkişafına hər zaman dəstək olan Unibank, ötən dövrdə biznes layihələrinin maliyyələşdirilməsində aktivliyini daha da artırıb. Üçüncü rüb ərzində Unibank ölkə bankçılığı tarixində bir ilkə imza ataraq, korporativ kreditlərin onlayn verilməsi xidmətini müştərilərin istifadəsinə verib.

Unibank ölkə əhalisinin ən çox güvəndiyi banklar siyahısında qalmaqda davam edir. Bunu cari hesabların və əmanətlərin artımı da göstərir. Üçüncü rüb ərzində cari və müddətli müştəri hesabları 40 milyondan (10%-dən artıq) çox artıb. Ayrıca olaraq müddətli depozitlərin həcmində 11% artıb olub ki, bununla da rübün sonuna bankın depozit portfeli 285 milyon manatı ötüb.

Ölkədə nağdsız ödənişlərin dövriyyəsnin artmasına yüksək töhfə verən bank, üçüncü rüb ərzində də debet kartlarının satışında ciddi artım əldə edib. İlin əvvəlindən bu yana debet kartların satışında 18%-dək artım qeydə alınıb.

Ölkənin ən innovativ bankına çevrilməyi qarşısına məqsəd qoyan Unibank, ötən müddətdə rəqəmsal bankçılıq sahəsində də yüksək göstəricilər əldə edib. Ölkədə ən çox müştərisi olan mobil bank əlavəsi Unibank Mobile istifadəçilərinin sayı artıq 200 000-i keçib.

Azərbaycanın iki aparıcı özəl bankı – “MBANK” (1992) və “PROMTEXBANK”-ın(1994) 2002-ci ildə birləşməsi nəticəsində Unibank adı altında fəaliyyətini davam etdirən bank, ölkədə ən iri maliyyə təsisatlarından biridir. Öz maliyyə göstəricilərinə görə, Unibank ölkə bank sektorunun aparıcıları siyahısına daxildir. Bank müxtəlif mülkiyyət formasına və fəaliyyət istiqamətlərinə aid olan korporativ və fərdi müştərilərə xidmət göstərir. Dünyanın nüfuzlu maliyyə qurumlarından olan Avropa Yenidənqurma və İnkişaf Bankı Unibankın səhmdarları sırasındadır. Bankın paytaxtda və regionlarda geniş xidmət şəbəkəsi mövcuddur. Bank 25 ildən artıq fəaliyyəti dövründə uğurlu kommersiya fəaliyyəti və sosial layihələrdə iştirakına görə bir çox beynəlxalq və yerli təşkilatlar tərəfindən çoxsaylı mükafatlara layiq görülüb.