Bilgi.az

Məşhur sənətçi 3-cü qulağa sahib oldu – FOTOLAR

14 Avqust 2015 05:15

Avstraliyalı məşhur sənətçi Stelark plastik əməliyyatla qoluna 3-cü qulağı yerləşdirərək bir ilkə imza atıb.

Publika.az xarici mediaya istinadən xəbər verir ki, bir çox mükafatların sahibi olan sənətçi növbəti əməliyyatlarında 3-cü qulağına "Wi-Fi" ilə əlaqəli mikrofon yerləşdirməyi planlaşdırır.

Stelarkın 3-cü qulağı artıq sənətçinin bədəni ilə tam bağlı olan bir parçadır. Ancaq qulağın eşitmə qabiliyyəti yoxdur.

Onu belə bir addımı atmasına vadar edən səbəbə gəlincə, sənətçi bunları söyləyib: "Bu qulaq mənim üçün deyil. Mənim onsuz da kifayət qədər yaxşı eşidə bildiyim iki qulağım var. Bu qulaq harada olsanız da, mən harada olsam da mənim eşitdiklərimin başqalarının da eşitməsi üçündür".